Mocioni i parlamentit të Holandës për pezullimin e lëvizjes së lirë për shqiptarët në këtë shtet, sipas qeverisë dhe shumicës socialiste është një vendimmarrje për konsum të brendshëm politik. Sipas tyre, nuk është i bazuar mbi një shqetësim real sa i takon kriminalitetit apo kërkesave për azil nga shqiptarët në këtë shtet.<br /><br />Zv/ministri i Jashtëm Sokol Dedja dhe zv/ministrja e Brendshme Rovena Voda dhe kryetarja e Komisionit të Jashtëm Mimi Kodheli thonë se nuk ka vend për panik për kthimin e vizave. Kjo vendimmarrje duhet të kalojë më parë nga qeveria e Holandës dhe më pas nga Komisioni Europian, parlamenti dhe Këshilli Europian.<br /><br />Rovena Voda: "Besoj për çështje të brendshme se ministrat holandezë që kemi takuar kanë tjetër qëndrim".<br /><br />Të dhënat e vetë shtetit holandez për dy nga treguesit që janë kusht për pezullimin lëvizjes së lirë nga një shtet i Schengen flasin për ulje të rasteve të përfshirjes së shqiptarëve në vepra penale si dhe kërkesave për azil.<br /><br />Kështu, gjatë 2016 janë 710 shqiptarë të proceduar për vepra kriminale, 499 gjatë 2017 dhe gjatë vitit 2018, 470.<br /><br />Tv Klan
