Eurodeputetët e Komisionit të Punëve të Jashtme të Parlamentit Europian i kanë kërkuar shefes së diplomacisë europiane Federica Mogherini të qartësojë nëse në Qershor do të ketë hapje të negociatave të anëtarësimit në Bashkimin Europian të Shqipërisë dhe Maqedonisë së Veriut.<br /><br />Mogherini ka shprehur angazhimin e saj personal që kjo të ndodhë, duke artikuluar se do jetë një gabim i madh strategjik dhe një provë dritëshkurtësie nëse vendimi shtyhet ose nuk merret.<br /><br />"Shumë nga ju përmendën vendimin që Këshilli i Ministrave të Bashkimit Europian mori pas rekomandimit të Komisionit Europian për të hapur negociatat e anëtarësimit me Shqipërinë dhe Maqedoninë e Veriut në Qershor të këtij viti. Mund t?ju them që unë angazhohem personalisht që kjo të ndodhë në Qershor pa shtyrje në bazën e punës së kryer. Ne kemi thënë që është një proces bazuar në meritë, atëherë ne duhet të konsiderojmë meritën. Mendoj se do jetë një gabim i madh strategjik dhe një provë dritëshkurtësie nëse vendimi shtyhet ose nuk merret në bazë të vlerësimit të meritës".<br /><br />Kjo ishte seanca e fundit plenare për këtë legjislacion të Parlamentit Europian. Debati i zhvilluar me Komisionin e Punëve të Jashtme dhe atë të Zhvillimit është kryer në kuadër të bilancit të 5 viteve të politikës së jashtme, të sigurisë, por edhe asaj të fqinjësisë dhe zgjerimit me përfaqësuesen e lartë të politikës së jashtme të BE-s,ë Federica Mogherini, që mbaron mandatin e saj në Tetor të këtij viti.<br /><br />Tv Klan
