Fileto gici dhe patate me mustardë<br /><br />Përbërësit:<br /><br />600-800 gr fileto gici<br /><br />2 thelpi hudhër<br /><br />kripë+piper të zi<br /><br />rozmarinë e freskët<br /><br />70 ml konjak ose verë e kuqe<br /><br />vaj ulliri<br /><br />1lgj gjalp<br /><br />1 kg patate<br /><br />2 gj mustardë<br /><br />Përgatitja:<br /><br />Ngrohim furrën në temperaturën 180ºC. në një tas vendosim 2 lugë gjelle vaj ulliri, kripë e piper të shtypur në cast, 2 thelpinj hudhër të shtypur mirë dhe i përziejmë. Në këtë salcë marinojmë mishin.<br /><br />Ndërkohë patatet i kemi qëruar dhe prerë në kubikë. Vendosim një tenxhere me ujë të valuar dhe i ziejmë patatet për 3-4 minuta. I kullojmë dhe i vendosim në një tas. Përziejmë veç në një tas tjetër 3 lugë gjelle vaj ulliri me 2-3 lugë gjelle mustardë. Shtojmë tek patatet kripë dhe mustardë të trazuar me vaj, rigon ose rozmarinë dhe i vendosim në furrë në temperaturën 180ºC<br />Ndërkohë në një tigan me pak vaj dhe gjalp kalojmë fileton duke i dhënë një ngjyrë nga të gjitha anët. E shuajmë me konjak dhe e lëmë të avullojë. Më pas e vendosim në mes të patateve dhe e vendosim në furrë duke e ulur temperaturë në 175ºC për sa kohë të gatuhet rreth 30-40 minuta.
