Mesnata mes të premtes dhe të shtunës shënon fundin e fushatës politike dhe hyrjen në fuqi të heshtjes zgjedhore për Presidencialet e 21 Prillit. Tre kandidatët, dhe forcat politike që i mbështesin ata, Blerim Reka, Gordana Siljanovska ? Davkova dhe Stevo Pendarovski, bëjnë sot përpjekjet e fundit për të mobilizuar sa më shumë votues.<br /><br />Kandidati për president Blerim Reka në tubimin e fundit në Tetovë, kërkoi që votuesit në mënyrë masive të votojnë pa marrë parasysh se cilës parti i përkasin. Ka ardhur koha, tha ai, që shqiptarët të dëshmojnë se nuk janë vetëm numra dhe votues, por duhet edhe të votohen.<br /><br />Kandidatja e opozitës maqedonase Gordana Siljanovska gjatë gjithë fushatës ka drejtuar akuza në adresë të qeverisë, siç është shprehur, për krime, nepotizëm dhe korrupsion. Ajo premtoi ndalimin e migrimit, por edhe varfërisë.<br /><br />?Do të bëj gjithçka, madje edhe nga buxheti modest i Presidentit, gjënë e parë që do ta bëj, do të ndajë mjete për të varfrit.?<br /><br />Kandidati që përkrahet nga koalicioni qeveritar Stevo Pendarovski u bëri thirrje qytetarëve se me votën e tyre kanë mundësi të vulosin ndryshimet.<br /><br />?Mund të votoni për Siljanovskën, por me këtë votoni për Gruevskin dhe Miçkoskin dhe votoni për kthim parapa, për ndasi të reja dhe izolim. Ose të votoni për mua që t`i përkrahni politikat e paqes, unitetit, stabilitetit dhe mirëqenies ekonomike.?<br /><br />Ndërkohë në Komisionin Shtetëror të Zgjedhjeve shefat e shtabeve zgjedhore të tre kandidatëve presidencial bashkërisht bënë thirrje që dita e diel të kalojë në atmosferë demokratike e evropiane.<br /><br />Tv Klan
