Pas shtatë muajsh punime tuneli i dytë në autostradën Tiranë ? Elbasan ka përfunduar. Hapja e dy anëve të rrugës po monitorohet nga Policia Rrugore.<br /><br />Punimet filluan në vjeshtën e 2018-ës, ku mes dy projekteve këshilli teknik i Autoritetit Rrugor Shqiptar vendosi që të ndërtohet një tunel i hapur për shkak të rrëshqiptejeve që ndodhën në afrësi të fshatit Mamel në korsinë që lidh Elbasanin me Tiranën.<br /><br />Inxhinieri Kristaq Xhika thotë se ky është një projekt unik në rrugët shqiptare pasi për herë të parë ndërtohet një tunel panoramik që ka edhe vlera arkitekturore si vepër arti.<br /><br />Për ndërtimin e kësaj vepre u zhvendosën 20 mijë m3 dhe, u vendosën 214 pilota të ngulura në 8 metër thellësi për ta bërë të sigurtë mbrojtjen në të ardhmen.<br /><br />Në total vepra kushtoi 3.7 milionë Dollarë. Tuneli i ri është i gjatë 150 metra dhe bashkë me pjesët mbrojtëse prej betoni në hyrje dhe dalje shkon në 260 metra.<br /><br />Rruga Tiranë-Elbasan, e cila ka një gjatësi prej 32 kilometrash, filloi ndërtimin në vitin 2011 e ndarë në tre lote, ndërsa kostoja totale e saj ka arritur në 400 milionë Dollarë. Rruga pritej të përfundonte në vitin 2015 por afati i punimeve u shty për në Maj të këtij viti ku pritet të hapet edhe karrexhata tjetër me dy korsi në rrugën tuneli i Kërrabës - TEG.<br /><br />Tv Klan
