Forca më e re politike "Bindja Demokratike" tashmë ka gati 3000 firma për t?u regjistruar në Gykatën e Tiranës. Procedura ligjore pritet të formalizohet paraditen e së martës që përkon edhe me afatin e fundit të regjistrimit të partive politike në Komisionin Qëndror të Zgjedhjeve për garën elektorale të 30 Qershorit.<br /><br />Partia e re nuk e ka zyrtarizuar ende kryetarin e saj. Por televizioni Klan mëson se ajo do të drejtohet nga ish ?nënkryetari i Partisë Demokratike, Astrit Patozi. Rudina Hajdari që mendohej se do të ishte pjesë e kësaj partie politike mësohet se është tërhequr përkohësisht nga ky projekt.<br /><br />Deputetja që kryeson grupin e ri demokrat në Parlament pati një takim me Patozin të shtunën për të diskutuar mbi detajet e grupimit të ri politik, por burime të televizionit Klan thonë se në momentin final ajo ka hezituar për të qenë në krye të partisë dhe ka kërkuar më tepër kohë.<br /><br />Këtë qëndrim deputetja Hajdari e ka përforcuar përmes një statusi në rrjetet sociale ku pohon se nuk do të jetë në krye të kësaj partie, dhe se angazhimi kryesor për të është kryesimi i grupit parlamentar demokrat në Parlament.<br /><br />Por Hajdari përshëndet krijimin e çdo forumi të ri politik, të cilin e sheh si një hapësirë më shumë për demokratizimin e politikës dekadente që sipas saj ka përfshirë vendin.<br /><br />Teksa pritet zyrtarizimi i emrit të kryetarit, Bindja Demokratike ka formalizuar bordin e saj, në të cilin bëjnë pjesë ish-anëtarë të Këshillit Kombëtar të Partisë Demokratike, si Leonard Olli, Fabian Topollaj apo dhe Ardian Kollozi.<br /><br />Astrit Patozi njihet si një ndër zërat më kritikë ndaj Lulzim Bashës. Ai ndërmori pak kohë më parë edhe një lëvizje për ?Ringritjen e Partise Demokratike? që synonte demokratizimin e kësaj force politike.<br /><br />Në këtë lëvizje, Patozi u mbështet nga ish ? ministra e ish ? deputetë demokratë. Nuk dihet nëse ata do ta mbështesin edhe në këtë projekt të ri politik, por mësohet se disa emra të njohur të larguar nga Partia Demokratike po e shohin me interes këtë lëvizje.<br /><br />Tv Klan
