#rtvora <br />Ditën kur në KQZ u mbyll afati (23 prill) për regjistrimin e partive që do të jenë pjesë në zgjedhjet vendore të 30 qershorit, tetë parti të opozitës firmosën marrëveshjen ku angazhohen për mos pjesëmarrje në proces .<br /><br />Përfaqësia e PD nënshkroi paktin me 10 pika fillimisht me republikanët e kryesuar nga Fatmir Mediu, më pas me Agron Dukën e PAA, Vangjel Dulen e PBDNJ, Nard Ndokën e PD, Dashamir Shehi të LZHK, Shpëtim Idrizin e PDIU dhe në fund me Monika Kryemadhin e LSI.<br /><br />Në marrëveshje nënvizohet se partitë nënshkruese të këtij Koalicioni do të regjistrohen në zgjedhje vetëm pasi të jenë krijuar kushtet për zgjedhje të lira dhe të ndershme. E për këtë rruga e vetme shihet formimi i një qeverie tranzitore me mandat të posaçëm.<br /><br />Në marrëveshje theksohet se nuk do të lejohen zgjedhje farsë të organizuar nga qeveria e Edi Ramës. Qëndrimi që u theksua dhe prej Monika Kryemadhit dhe Lulzim Bashës<br /><br />"Them zgjedhje, sepse votime ka bërë edhe Enver Hoxha, dhe diktatorët por populli nuk ka zgjedhur kurrë" u shpreh Kryemadhi.<br /><br />Edhe një herë kryetari i PD Lulzim Basha theksoi akuzat ndaj mazhorancës aktuale.<br /><br />"Kurrë më nuk do të pranojmë një proces zgjedhor fals të diktuar nga krimi që prodhon një parlament fals dhe qeveri false" tha Basha.<br /><br />Basha u shpreh se do të vazhdojnë bisedimet për zgjerimin e koalicionit. Por një mesazh dha dhe për partinë e re të Patozit por edhe për deputetët që morën mandatin<br /><br />"Natyrisht nuk do të ketë më as opozitë falso" u shpreh Basha. <br /><br />Marrëveshja e koalicionit opozitar ka 10 pika:<br /><br />1-Krijimin e një Koalicioni të Bashkuar Opozitar dhe Qytetar për zgjedhjet e ardhshme në vend.<br /><br />2-Partitë nënshkruese të këtij Koalicioni do të regjistrohen në zgjedhje vetëm pasi të jenë krijuar kushtet për zgjedhje të lira dhe të ndershme.<br /><br />3-Rruga e vetme për të garantuar zgjedhjet e lira dhe të ndershme është formimi i një Qeverie Tranzitore me mandat të posaçëm për:<br /><br />Kthimin e legjitimitetit politik të qeverisjes në vend nëpërmjet zgjedhjeve të parakohshme parlamentare.<br /><br />Përgatitjen e zgjedhjeve të lira dhe të ndershme parlamentare dhe vendore në Shqipëri.<br /><br />Krijimin e klimës së besimit për zbatimin e reformës në drejtësi jashtë çdo ndërhyrjeje politike.<br /><br />Krijimin e kushteve të nevojshme për të përshpejtuar nisjen e negociatave të Shqipërisë për antarësimin në Bashkimin Europian dhe ndërmarrjen e çdo reforme të nevojshme për këtë qëllim.<br /><br />4. Në mbrojtje të demokracisë dhe të zgjedhjeve të lira e të ndershme, partitë nënshkruese të këtij Koalicioni angazhohen të mos lejojnë asnjë farsë elektorale, të organizuar nga qeveria ilegjitime e Edi Ramës.<br /><br />5. Pamundësimi i mbajtjes së zgjedhjeve fasadë, të diktuara nga pakti i Edi Ramës me krimin e organizuar dhe paratë e tyre të pista, të realizohet përmes përshkallëzimit të aksionit opozitar në të gjithë vendin.<br /><br />6. Rikonfimojmë vullnetin tonë se Integrimi Europian i Shqipërisë është rruga e vetme për t?i dhënë fund tranzicionit të tejzgjatur. Shprehim vendosmërinë tonë të plotë për t...
