Partia Demokratike ka zyrtarizuar koalicionin opozitar duke firmosur marrëveshje bashkëpunimi me 8 prej partive që i janë bashkuar kauzës për të garantuar zgjedhje të lira e të ndershme dhe reformim të thellë të sistemit zgjedhor.<br /><br />Në dokumentin disa pikësh që mori firmat e kryerepublikanit Mediu, atë të përfaqësuesve të LZHK-së, PDK, PAA, LSI-së, PBDNJ, PDIU-së e PLL-së, partitë e opozitës pranojnë të regjistrohen në zgjedhje vetëm pasi të jenë krijuar kushtet për një proces të lirë e të ndershëm.<br /><br />Rruga e vetme thuhet në marrëveshje për të garantuar një garë elektorale të ndershme është formimi i një qeverie tranzitore, që do të kthejë legjitimitetin politik nëpërmjet zgjedhjeve të parakohshme parlamentare.<br /><br />Pas marrëveshjes së firmosur me aleatët, Lulzim Basha ripërsëriti qëndrimin se koalicioni opozitar nuk do të lejojë të ketë zgjedhje farsë pa u ndëshkuar më parë krimi elektoral.<br /><br /> ?Hap i panegociueshëm mbetet zgjidhja politike, largimi i shkaktarit të kësaj gjendje, largimi i atij që shkatërroi policinë, arsimin, solli drejtësinë false, po shkatërron shtetin e shqiptarëve, largimi i Ramës dhe një qeveri tranzitore. Nuk do të ketë zgjedhje farse pa u ndëshkuar krimi elektoral. Dhe u pa vënë para përgjegjësisë Rama dhe bashkëpunëtorët e tij Dako, Gjiknuri.?<br /><br />Por teksa Lulzim Basha dhe aleatët e tij paralajmërojnë bojkot të zgjedhjeve, futjen në garën për vendoret e 30 Qershorit të Partisë ?Bindja Demokratike?, kreu i demokratëve e sheh si pjesë së një procesi fasadë.<br /><br /> ?Gjeneza e së keqes ku ndodhemi janë zgjedhjet false të diktura nga krimi. Nuk do të ketë më parlament fals, qeveri false, drejtësi false dhe natyrisht as opozitë false."<br /><br />Koalicioni opozitar angazhohet në pamundësimin e mbajtjes së zgjedhjeve fasadë të diktuara nga pakti i Edi Ramës me krimin e organizuar dhe paratë e pista, e që ky proces të realizohet përmes përshkallëzimit të aksionit opozitar në të gjithë vendin.<br /><br />Tv Klan
