?Zgjimi i Enver Simakut?, produksioni i parë kinematografik spanjoll i xhiruar në Shqipëri u shfaq premierë në Kinema Millenium. Regjisori Marco Jedó është frymëzuar nga ngjarjet e vitit 1997 për të sjellë historinë e një gazetari, i cili kthehet në Shqipëri për të hetuar vdekjen misterioze të gruas së tij, të cilën ia kanë vrarë para 20 vjetësh.<br /><br />"Ka qenë një eksperiencë shumë intensive, shumë e gjatë, sepse kemi që në vitin 2015 që punojmë këtu në Shqipëri. Jam shumë i lumtur që jam mirëpritur në këtë formë dhe shpresoj që edhe projektet e ardhshme t'i zhvilloj pse jo sërish në Shqipëri. Niveli i aktorëve është më i mirë nga çfarë mund të imagjinoja kur nisa projektin. Dhe unë jam shumë i kënaqur dhe shumë i impresionuar me fuqinë e tyre interpretuese", u shpreh regjisori Marco Lledó.<br /><br />Margarita Xhepa, Tinka Kurti, Viktor Zhusti, Pirro Milkani, Ema Andrea, Julien Blaschke janë vetëm disa prej emrave të njohur që janë zgjedhur për të sjellë këtë triller.<br /><br />"Jemi para një filmi kur ne artistëve shqiptarë u ka ardhur një ftesë e pabesuar dhe e mirëpritur. Kemi kaluar ditë të mrekullueshme, sepse ishte ëndërr për ne të shkonim deri në Spanjë e të njiheshim me atë popull të mrekullueshëm, me atë pritje të jashtëzakonshme, që nuk do e harrojmë kurrë. Ishalla kemi rastin të punojmë prapë bashkë, ndonëse moshën e kam të madhe", tha aktorja Tinka Kurti.<br /><br />Pas shfaqjes se filmit në Festivalin e Filmit të Sitges në Spanjë, ?Zgjimi i Enver Simakut? është shfaqur në kinema Millennium për të vijuar më pas edhe në kinematë evropiane.<br /><br />Tv Klan
