Tavë me oriz, mish të grirë dhe perime<br /><br />Përbërësit:<br /><br />400 gr mish i grirë<br /><br />1 kokërr qepë<br /><br />3 speca me ngjyrë<br /><br />2 karrota<br /><br />2 kupa oriz<br /><br />1 lugë gjalp<br /><br />2 lgj vaj ulliri<br /><br />Kripë dhe piper i zi<br /><br />2 lgj majdanoz i grirë<br /><br />Beshameli:<br /><br />40 gr gjalp<br /><br />40 gr miell<br /><br />400 ml qumësht<br /><br />Kripë dhe arre moskat<br /><br />2 lgj parmixhan i grirë<br /><br />Përgatitja:<br /><br />Fillimisht vendosim orizin për të zier jo si zakonisht në raportin 1 masë oriz dhe 2 masa ujë, por 1 masë oriz me 1 masë e gjysmë ujë. Do ta lëmë shumë aldent për arsye se do të vazhdojë gatimi në furrë. Në një tigan të thellë vendosim vajin, 1 thelp hudhër dhe kaurdisim kërpudhat. Sa të zverdhen pak, i largojmë.<br /><br />Në po atë tigan kaurdisim qepën sa të zbutet, karrotën e grirë në kubikë të vegjël dhe i kaurdisim për 3 minuta. Shtojmë mishin e grirë dhe vazhdojmë me kaurdisjen deri sa mishi të gatuhet. Shtojmë aty edhe kërpudhat e skuqura dhe i trazojmë së bashku. Në fund shtojmë specat, kripë e piper të zi dhe majdanozin e grirë.<br /><br />Në një tavë keku ose tavë xhami fillimisht shtojmë si bazë orizin gjysmë të zier dhe e nivelojmë në komplet tepsinë. Mbi oriz shtojmë kimën me perime.<br /><br />Përgatisi beshamelin, shkrijmë gjalpin dhe kaurdisim miellin pa i dhënë ngjyrë dhe më pas shtojmë gradualisht qumështin. E lëmë të marrë valë, shtojmë kripë, arrë moskat dhe gjysmën e parmixhanit.<br /><br />Shtojmë mbi kimën me perime beshamelin dhe e nivelojmë mirë. Në fund e spërkatim me parmixhan të grirë dhe e vendosim në furrë në temperaturën 180ºC për 20 min.
