E ngarkuara me punë e Shteteve të Bashkuara të Amerikës në Tiranë Leyla Moses-Ones nxit Policinë Shqiptare të vazhdojë luftën kundër terrorizmit. Zyrtarja amerikane thotë se asnjë vend nuk është imun ndaj këtij fenomeni.<br /><br /><br />?Dua të vlerësoj përpjekjet e bëra nga policia gjatë vitit të kaluar. Ju keni treguar profesionalizëm dhe guxim në detyrën tuaj për të mbrojtur qytetarët. Kjo është jetike për zhvillimin e shoqërisë, si dhe për synimet specifike të policisë në luftën kundër krimit dhe dëshiroj t?ju nxis që të vazhdoni në atë drejtim.?<br /><br />Moses Ones sjell si shembull arrestimin pak ditë më parë në Elbasan të Bledar Ibrahimit, i akuzuar si i përfshirë në grupe terroriste.<br /><br />?Policia e Shtetit Shqiptar arrestoi një individ të rrezikshëm, të lidhur me terrorizmin. Kjo tregon një rritje në zhvillimin e aftësive që i atribuohet trajnimeve të kohëve të fundit. Policia e Shtetit në Shqipëri vazhdon të ndërtojë një emër si një nga organizatat e policisë më të mira në Evropë?.<br /><br />Dy kanë qenë rastet më të bujshme të goditjes ndaj grupeve radikale të autoriteteve shqiptare. I pari ishte ai në vitin 2016, kur u arrestuan 9 imamë të vetëshpallur që rekrutonin shqiptarë në Siri, ndërsa rasti i dytë ishte në Tetor të atij viti, kur u godit një grup në Shkodër që kishte planifikuar të sulmonte Kombëtaren e Izraelit.<br /><br />Tv Klan
