Mazhoranca dhe opozita e re parlamentare, do të nisin së bashku rrugën për reformën zgjedhore, ku pika më e fortë e saj pritet të jetë ashpërsimi i dënimit për shit-blerjen e votës, dhe një kërkesë e opozitës për ndryshimin e sistemit duke propozuar modelin e listave të hapura.<br /><br />Në këtë seancë plenare, Kuvendi i Shqipërisë votoi ngritjen e komisionit parlamentar për Reformën Zgjedhore, i cili nga 18 anëtarë, ka një numër më të reduktuar, 12 anëtarë, me pjesëmarrje të barabartë nga mazhoranca dhe dy grupet e reja parlamentare, atij demokrat të kryesuar nga Rudina Hajdari, dhe atij të deputetëve të pavarur, Nimet Musai. Bashkëkryetar do të jetë Damian Gjiknuri nga PS dhe Korab Lita nga PD.<br /><br />Rudina Hajdari, e cila u caktua anëtare e komisionit, sot në seancë plenare tha se grupi i demokratëve do të propozojë ndryshimin e sistemit, ndërsa u ndal veçanërisht në tre amendamente.<br /><br />Eliminimi i shit-blerjes së votës, ndalimi i përdorimit abuziv të fondeve publike dhe mbrojtja e listave zgjedhore dhe çdo tentative manipulimi.<br /><br />Kreu i grupit parlamentar të Partisë Socialiste, Taulant Balla, i bëri apel anëtarëve të rinj të komisionit që të lënë mënjanë flamurin e partisë dhe të punojnë për reformën zgjedhore, e cila veç rekomandimeve të OSBE-ODHIR që është themeli i saj, prite të shtojë edhe garantimin e votës së emigrantëve.<br /><br />"Të ketë një diskutim të hapur me të gjithë aktorët politik në vend", tha Balla në apelin e tij.<br /><br />Në një linjë me Rudina Hajdarin ai tha se duhet ashpërsuar ndëshkimi shit-blerja e votës,ndërsa nuk ndali sulmin ndaj Lëvizjes Socialiste për Integrim, duke e cilësuar partinë "me damkën më të turpshme të blerjes së votës". Referuar paralajmërimeve të ish-kryeministrit Sali Berisha , dhe jo vetëm, për një përsëritje të '97-ës dhe pengim të zgjedhjeve lokale të 30 qershorit 2019, Balla tha se do të ndëshkohen me 8 vite burg, kushdo që tenton të pengojë zhvillimin e zgjedhjeve.<br /><br />Megjithatë, ai nuk la pa përmendur edhe apelin e përsëritur ndaj opozitës tashmë jo parlamentare, PD-së, për tu bërë pjesë e reformës zgjedhore. "Paraardhësve u kam thënë merrni një letër të bardhë dhe shkruajeni si të doni reformën zgjedhore dhe ne do ta miratojmë, sepse e rëndësishme është që të zgjedhjet të jenë të lira dhe demokratike", - tha Balla.<br /><br />Edhe në komisionin e ri për reformën zgjedhore, PD-së, i është lënë një vend bosh në rolin e vëzhguesit në procesin e Komisionit parlamentar që ka një mandat 6 mujor, deri në nëntor. Kjo do të thotë se ndryshimet e propozuara në sistemin zgjedhor nuk do të mund të futen në fuqi në zgjedhjet e 30 qershorit të cilat PD, LSI dhe disa aleatë të Bashës i kanë bojkotuar.
