Koçi Tahiri kreu i Partisë Demokracia e Re, aleat i Lulzim Bashës në zgjedhjet e vitit 2017 ka pranuar të marrë mandatin e deputetit. Në moshën 70 vjeçare, Tahiri merr detyrën e ligjvënësit. Në një prononcim për Report Tv, Tahiri shprehet se nuk e sheh veten si tradhtar pasi marrja e mandatit është një vullnet i votuesve të forcës politike që përfaqëson.<br /><br />"Kam pranuar të marrë mandatin si vullnet i votuesve të mi. Nuk e shoh veten si tradhtar dhe nuk jam kundër PD. Me të cilën jam aleat dhe do të jem aleat dhe në të ardhmen. Ndryshe nga PD, e mendojmë se ne duhet të jemi në parlament pasi aty mund të zhvillojmë beteja", tha Tahiri.<br /><br />Në parlament Tahiri deklaron se nuk do të bëjë koalicion me mazhorancën por do të jetë gjithmonë opozitë, duke krijuar dhe një grup të ri parlamentar. <br /><br />"Në parlament do të krijojë një grup të ri parlamentar, bëhemi 7 deputetë dhe nuk do të jemi me asnjë grup parlamentar dhe pse janë grupe opozitare të reja. Jemi në parlament për të mbrojtur interesat e opozitës dhe nuk do të bëjmë asnjë aleancë me mazhorancën aktuale. Do të jemi gjithmonë opozitë", u shpreh Koçi Tahiri.<br /><br />Dhe pse shprehet se gjithmonë do të bashkëpunojë me Partinë Demokratike, në zgjedhjet vendore pritet që të marrë pjesë duke garuar me kandidatët e vet.<br /><br />Ndërkohë, sa i përket fakti që partia e tij ishte në listën e aleatëve të PS-së për në zgjedhjet e 30 qershorit, Koçi Tahiri i përgënjeshtron, duke thënë se nuk ka firmosur dhe nuk ka dhënë konsensus për të qenë pjesë e Aleancës për Shqipërinë Europiane
