Fileto pule me djathë dhe kërpudha në furrë:<br /><br />Përbërësit:<br />500 gr fileto pule<br />500 gr kërpudha<br />2-3 lgj gjizë pa kripë<br />1 kokërr vezë<br />200 ml krem kosi<br />200 gr mocarela1 lk rigon<br />3 lgj vaj ulliri<br />Kripë<br />Piper<br /><br />Përgatitja:<br /><br />Fillimisht lajmë dhe thajmë mirë mishin e pulës, e presim në kubikë mesatare, më pas e marinojmë atë me kripë, piper, rigon dhe vaj ulliri.<br />Nxehim një tigan në zjarr dhe kaurdisim copat e mishit derisa ato të zbardhen. Më pas i vendosim copat e mishit të pulës në një tavë të lyer me pak vaj ulliri.<br />Nëse kërpudhat janë të freskëta i presim në feta dhe i kalojmë në ujë të vluar për 3 minuta dhe më pas i shtojmë në tavën ku kemi vendosur mishin e pulës. Nëse kërpudhat janë të konservuara i vendosim direkt në tavë.<br />Në një tas vendosim 2-3 lugë gjizë, një vezë dhe kremin e kosit. E trazojmë derisa të na formohet një salcë e njëtrajtshme dhe e shtrojmë si një shtresë të tretë mbi kërpudhat dhe mishin e pulës. Në fund presim djathin mocarela në feta dhe mbulojmë komplet sipërfaqen e tavës të cilën e vendosim në furrë në temperaturën 200 gradë Celsius për 25-30 minuta.
