Keqinformim për arsye politike dhe mediatike, e vlerëson kryeministri Edi Rama mënyrën sesi u transmetuan mesazhet që përcolli samiti i Berlinit. Përpara grupit parlamentar socialist në një mbledhje të hapur për mediat, Rama tha se nuk shkoi në atë takim për t?u njohur me vendimin e Gjermanisë dhe Francës për çeljen e negociatave, pasi samiti kishte tjetër fokus. Por gjithsesi, përsa u përket negociatave ai thotë se Shqipëria i ka bërë detyrat e saj dhe vendimi lidhet vetëm me politikën e brendshme të Bashkimit Europian.<br /><br />?Nuk shkova në zyrën e Merkelit për tu njohur me qëndrimin për Shqipërinë. Është folur për Shtatorin nga pala gjermane, por kurrsesi për mosçeljen e negociatave për ndonjë arsye që lidhet me Shqipërinë?.<br /><br />Kryeministri përgënjeshtroi edhe deklaratat e bëra nga përfaqësues të opozitës, sipas të cilëve presidenti francez Emanuele Macron ka deklaruar se nuk do t?i hiqen vizat Kosovës, për shkak të precendetit të krijuar me rritjen e kërkesave për azil nga Shqipëria.<br /><br />?Pa pikë turpi që nga Saliu e deri tek dajë Titi kanë fajësuar qeverinë tonë në emër të Macron, i cili e ka vlerësuar uljen me 40 % të numrit të azilkërkuesve për vitin e shkuar. Mjerë ky vend për rrugëhumburit dhe Kadrinjtë që shpikin çdo ditë?.<br /><br />Rama akuzon opozitën se po lëviz çdo gur për të bërë përgjegjëse qeverinë për këtë proces për të cilin thotë se qeveria e tij ndihet krenare për çfarë ka bërë deri më tani.<br /><br />?Ne e kemi çuar Shqipërinë në derën e paradhomës së BE. Është e sigurt se kemi sot marrëdhëniet me të mira me Gjermaninë dhe Francën?.<br /><br />Thotë me siguri se e di atë që do të marrë opozita nëse vijon me rrugën e nisur sikurse me siguri thotë se shtyrje të zgjedhjeve nuk ka.<br /><br />E sa i takon zgjedhjeve të Qershorit, në mbledhjen qe vijoi me dyer te mbyllura Rama ka porositur deputetët që kandidatët që propozojnë për kryetar bashkie të jenë më të besueshmit e të zgjidhen sikurse të kishin përballe opozitën. Porosi kjo që vjen vetëm 10 ditë përpara përfundimit të afatit të regjistrimit të kandidatëve në KQZ dhe kur shumica e tyre janë bërë publik tashmë nga vetë kryeministri gjatë takimeve ?Bashkia që duam?.<br /><br />Tv Klan
