Kryeministri i Kosovës Ramush Haradinaj u qëndron fort deklaratave të tij se presidenti i Kosovës Hashim Thaçi dhe kryeministri i Shqipërisë Edi Rama në samitin e Berlinit i kishin bërë presion më shumë se ndërkombëtarët për heqjen e taksës.<br /><br />Madje disa media kanë raportuar se në pushime të takimeve në samit është dëgjuar Haradinaj ti ketë thënë Ramës që të mos përzihet në çështje të brendshme të Kosovës.<br /><br />Në një konferencë për media pas mbledhjes së sotme të qeverisë Haradinaj i është kundërpërgjigjur reagimit të kryeministrit Rama i cili kishte thënë se Haradinaj do të duhej të ishte më i kujdesshëm të mos i komentoj në publik bisedat informale e aq më tepër ti shtrembëroj ato..<br /><br />Ai ka thënë se i pëlqeu dikujt ose jo gjithmonë do ta tregoj të vërtetën.<br /><br />Ramush Haradinaj, kryeministër i Kosovës: Do t?ua tregoj të vërtetën edhe kur ju pëlqen edhe jo, do ta bëjëe dhe në të ardhmen. ?Rrno për me tregu, ka thënë At ZefPllumi.<br /><br />Ndryshe sipas Haradinajt Samiti I Berlinit qartësoi se më nuk do të diskutohet për kufijtë dhe taksën.<br /><br />Nuk është hera e parë që kryeministrat e dy vendeve replikojnë mes vete për çështjen e Kosovës. Përplasje verbale ata kishin pasur edhe pas mbledhjes së përbashkët të dy qeverive që u mbajt në fund të vitit të kaluar në Pejë.<br /><br />Tv Klan
