Kallamarë në tigan<br /><br />Përbërësit:<br /><br />500 gr kallamarë<br /><br />1 qepë e vogël<br /><br />1 thelb hudhër<br /><br />200 gr domate të qëruara<br /><br />1/2 tufë majdanoz<br /><br />1 lgj stika pishe<br /><br />1 lgj rrush i thatë<br /><br />Vaj ulliri<br /><br />Kripë dhe piper i zi<br /><br />Përgatitja:<br /><br />Në një tigan të thellë ngrohim vajin, e aromatizojmë atë me 1 thelb hudhër. Shtojmë qepën e grirë shumë imët dhe e kaurdisim deri sa të bëhet transparente. Shtojmë majdanozin e grirë imët, stikat e pishës, rrushin e thatë dhe i kaurdisim së bashku për 1 minutë. Shtojmë domatet, kallamarët e prerë në unaza me trashësi 0,5 cm, kripë e piper të zi dhe 1 gotë ujë.<br />E lëmë të ziejë 10 minuta dhe e largojmë duke e shërbyer të ngrohtë.<br /><br />Sallatë me patate<br /><br />Përbërësit:<br /><br />500 gr patate<br /><br />1 qepë e kuqe<br /><br />100 ml lëng perimesh<br /><br />3 lgj uthull<br /><br />1 majë luge sheqer<br /><br />1 kastravec<br /><br />4 rrepa të kuq<br /><br />1 lgj kopër e grirë<br /><br />3 lgj vaj ulliri<br /><br />Kripë<br /><br />Përgatitja:<br /><br />Lajmë mirë patatet, i ziejmë ato për 25 minuta në ujë të vluar. Derdhim ujin dhe i qërojmë ato sa janë të ngrohta dhe i lëmë të ftohen. Më pas i presim patatet në feta dhe i spërkasim me pak kripë. Qepën e presim në shirita dhe e vendosim të ziejë në lëng perimesh, uthull, një majë luge sheqer dhe pasi të ziejë për pak minuta e shtojmë mbi patatet e prera. Shtojmë vajin e ullirit, e përziejmë mirë me patatet dhe i lëmë të marinohen për 30 minuta të mbuluara. Presim kastarvecin në feta të holla, gjithashtu dhe rrepat dhe i shtojmë në sallatë. 10 minuta para se ta shërbejmë sallatën, e spërkatim me kopër të grirë
