Pjesa e pare dt 3 maj Pa Gjurme- Si u ngaterrua me nje vajze dhe perfundoi ne befotrof/ Dy binjaket ne kerkim?<br />Si në fate të kryqëzuara, dy fëmijë, një djalë dhe një vajzë mbajnë thuajse të njëjtat të dhëna.<br /><br />Met Domi është 60-vjecari që kërkon të dijë të vërtetën e një ngatërrese, që sipas tij ka ndodhur në shtëpinë e fëmijës Vlorë, në parashkollorin në Skelë. Ka jetuar fillimisht në befotrofin e Vlorës, ndërsa më pas është zhvendosur për në parashkollor në zonën e Skelës.<br /><br />Ishte 7 vjec, kur u transferua më pas në shtëpinë e fëmijës Fier. Kreu 3 klasë shkollë dhe transferimi i fundit u bë në moshën 11-vjeçare. Ai do të vendosej përfundimisht në shtëpinë e fëmijës Shkodër, derisa kreu dhe shkollën 8-vjecare.<br /><br />Deri në moshën 18-vjecare ai ishte i regjistruar si Meti Dani, me emër babai Fadil dhe emër nëne Fitnete.<br /><br />Me të kaluar të 18-tat në Shkodër i bënë ndryshimin përfundimtar, pas kësaj ai do të quhej Met Domi, me emër imagjinar të babait Sokol, dhe nëna Drita.<br /><br />Këtu lindin dyshimet e para të të riut asokohe 18-vjecar, i cili në kërkim për të njohur rrënjët biologjike me të dhënat që dispononte edhe më herët, ai u nis të takonte ciftin Fadil dhe Fitnete Dani apo Domi nuk dihet sakte mbiemri, nga Metalla e Shijakut.<br /><br />Dyshimet edhe për faktin se nga shtëpia e fëmijës Vlorë i kishin folur më herët për një ngatërrese që ishte bërë.<br /><br />Ai ishte ngatërruar me një vajzë me emrin Mejte, që kishte të njëjtën ditëlindje me të dhe vendlindje gjithashtu dhe emrin e nënës dhe babait me Metin.<br /><br />Pyetjet që u ngritën tek i riu asokohe ishin.<br /><br />Përse pas ndryshimit të të dhënave nga Dani mori mbiemrin Domi. Dhe pse nga Fadil dhe Fitnete iu vendosën Sokol dhe Drita ?<br /><br />Pra ai sot mban ditëlindjen e njëjtë me Mejten.Para moshës 18-vjecare mbante emrin e nënës dhe babait të Mejtes, të njëjtën ditëlindje dhe të njëjtin vendbanim.<br /><br />Ne nuk dimë të themi sesi ka ndodhur kjo ngatërresë.<br /><br />A mund ta ketë kjo ngatërresë pikënisjen që në maternitet. Apo është bërë vërtetë në parashkollorin Vlorë?<br /><br />Meti kërkon të dijë ndryshimin që është bërë në kërkim të një të vërtetë në gjurmët e prindërve të vërtetë biologjik?<br /><br />Ai mban mend se nga shtëpia e fëmijës Vlorë i kanë pohuar se një cift kishte ardhur të merrte një djalë. Por në vend të djalit i ishte dhënë vajza me emrin Mejte.<br /><br />Nga ky moment nuk dihet asgjë me siguri nëse, cifti kishte ardhur të merrte fëmijën e tyre të vërtetë apo nëse kishin ardhur të birësonin një fëmijë.<br /><br />Met Domi aktualisht jeton në Shkodër. Prej vitesh që kur edhe u martua në moshën 27-vjecare. Sot ai është martuar dhe ka dy fëmijë një djalë dhe një vajzë, në pritje për tu bërë edhe gjysh.<br /><br />Sot ai vendos të tregojë një histori të pazakontë të jetës së tij, si nëpër filma, me pikëpyetje të mëdha.
