REPORT TV siguron pamje të tjera ekskluzive nga grabitja në aeroportin e Rinasit në datë 9 prill të këtij viti, ku autorët morën rreth 6 milionë euro. Në pamjet e reja të siguruara nga gazetari i Report Tv, Arsen Rusta duket furgoni i grabitësve me mbishkrimin ?Hetimi Tatimor ? që pasi ka shpërthyer derën e rrethimit vijon i pa shqetësuar nga askush itinerarin në pistën e aeroportit duke kaluar nga pas avionëve të parkuar drejt avionit të linjës së Austrisë, ku po vendoseshin thasët me eurot. <br /><br />Furgoni futet në pistë 10 sekonda pasi ulet një avion me 200 pasagjerë nga Itali. Një fakt i tillë ka shtuar akoma më shumë dyshimet te hetuesit se grabitësit kishin dijeni nga brenda stafit për lëvizjet e avionëve. Avioni ku ndodheshin lekët është i treti në radhë, teksa dallohet bishti bishti i avionit të 'Austrian Airlines". Furgoni i policisë që lëviz dhe furgoni i policisë kufitare që qëndron në pistë për të riatdhesuarit janë me armatim vetëm pistoleta.<br /><br />Hetuesit e krimeve nga kjo video kanë krijuar dyshimet se dikush nga grabitësit më parë është futur në piste i kamufluar si punëtor dhe dinte me ekzaktësi rrugët e kalimit dhe oraret e ulje dhe ngritjes së avionëve. Nga videot duket se në pistë avioni ka qëndruar vetëm 2 minuta, ndërsa e gjitha grabitja ka zgjatur 5 minuta, nga çarja e derës. Furgoni i policisë kufitare lëviz në 15:03 minuta, kur furgoni i grabitësve ishte larguar me paratë në 7 thasët e marra në bordin e avionit. Ndërsa FNSH-ja ka lëvizur disa sekonda më parë edhe ka qenë nga jashtë pistës duke e ndjekur.
