Burani me spinaq dhe mish<br /><br />Përbërësit:<br /><br />500 gr mish viçi ose qingji<br /><br />1 kokërr qepë<br /><br />1 tuf qepë të njoma<br /><br />½ gotë oriz<br /><br />2 domate<br /><br />3-4 gota ujë të valuar<br /><br />kripë+ piper i zi<br /><br />800 gr spinaq<br /><br />2 lgj kopër të grirë<br /><br />2 lgj nenexhik të grirë<br /><br />vaj ulliri<br /><br />Përgatitja:<br /><br />Në një tenxhere ngrohim vajin dhe kaurdisim mishin e prerë në copa. Shtojmë kripë e piper të zi dhe e kaurdisim deri sa ti japim ngjyrë dhe të gatuhet plotësisht. Shtojmë qepën e prerë në kubikë të vegjël dhe vazhdojmë kaurdisjen deri sa qepa të bëhet transparente. Shtojmë qepëte njoma të prera në unaza të holla, orizin e shpëlarë dhe I trazojmë së bashku deri sa qepa të ulë volumin e saj. Shtojmë domatet e qëruara dhe të prera në kubikë. Shtojmë ujin e valuar dhe e lëmë orizin të ziejë për 12 minuta. Në fund, 2 minuta para se të largojmë buraninë nga zjarri shtojmë spinaqin , erëzat dhe e shërbejmë buraninë të ngrohtë.
