Një 51-vjeçar u arrestua nga Policia në Kavajë, pasi u kap në flagrancë me kokainë, vlera monetare të cilat janë përfituar nga shitja e drogës, dhe aparate celularë që i përdorte për komunikimet me klientët.<br /><br />N.B lindur në Kavajë, u arrestua në një lokal tek Pedonalja e qytetit të Kavajës, ku policia i gjeti gjatë kontrollit fizik dhe në banesë, 27 doza kokainë, 740.000 lekë, 1000 euro, dy aparate celulare dhe një automjet.<br /><br />Ai shpërndante kokainë në doza të vogla. Pasi siguronte klientelë përmes bisedave telefonike, ai jua shpërndante kokainë duke ja çuar vetë me makinë në vendet ku ata ndodheshin.<br /><br />51-vjeçari do të hetohet nga Prokuroria e Kavajës për veprën penale të ?Prodhimi dhe shitja e lendëve narkotike".
