Shefja e politikës së jashtme të Bashkimit Europian, Federica Mogherini deklaroi në Tiranë se Shqipëria meriton hapjen e negociatave në Qershor, duke renditur 3 arritjet kryesore të qeverisë shqiptare.<br /><br />"Unë besoj që çelja e negociatave në Qershor është objektiv i arritshëm, por nuk duhet marrë i mirëqenë pasi shtetet anëtare duhet të binden plotësisht dhe unë besoj që ky është objektivi ynë i përbashkët që t?i përdorim javët në vijim për të punuar në këtë gjë që shtetet anëtare të njohin rezultatte që janë arritur. Ju e dini që tek unë mund të mbështeteni për të arritur këtë objektiv të përbashkët. Për mua personalisht do të ishte zhgënjim nëse ky vendim nuk do të merrej tani".<br /><br />Për Kryeministrin Rama hapja e negociatave nuk varet më nga Shqipëria, e cila ka përmbushur çdo rekomandim por nga çështjet e brendshme të vendeve të BE-së.<br /><br />E pyetur për ndërmjetësimin e situatës politike në Shqipëri, Mogherini tha se ashtu si në 2017 nuk do të ndërhynte ne çështjet e brendshme, duke dhenë një mesazh edhe për opozitën.<br /><br />"Partitë nuk duhet t?i kthejnë shpinën intergrimit dhe të mos pengojnë qytetarët në procesin politik të zgjedhjeve".<br /><br />Ndërsa Kryeministri Rama ishte i prerë sa i takon zhvillimit të zgjedhjeve, duke thënë se 30 Qershori është i panegociueshëm.<br /><br />"Zgjedhjet do të mbahen në 30 Qershor ku do të zgjidhen 61 kryetarët e bashkive. Se kush merr pjesë kjo është zgjedhje e lirë e gjithësecilit. Ka ardhur koha që ne t?i qëndrojmë sistemit, rrugës së përcaktuar nga Kushtetuta dhe nga ligji. Zgjidhjet e asaj natyre i kemi provuar. 2017 ishte maksimumi që mund të bëjë një mazhorancë për opozitën për të dhënë një zgjidhje të gjithëpranuar dhe afatgjatë nuk funksionuan".<br /><br />Tv Klan
