Banka e Shqipërisë ka shtyrë vlerësimin për kthimin e ekonomisë dhe të inflacionit në ekuilibër për shkak të zhvillimeve në mjedisin ekonomik përreth vendit tonë.<br /><br />Në konferencën për shtyp pas mbledhjes së Këshillit Mbikëqyrës, guvernatori Gent Sejko tha se në këto muaj ka patur një goditje të ofertës në treg si dhe presione mbiçmuese në kursin e këmbimit të cilat kanë frenuar inflacionin. Për muajin prill ky tregues ishte 1.4%, larg objektivit 3 që ka vendosur banka qëndrore.<br /><br />?Kthimi i ekonomisë në ekuilibër dhe i inflacionit në objektiv janë shtyrë lehtë në kohë. Ky rishikim është ndikuar më së shumti nga parashikimet më pesimiste për ekonominë e huaj?.<br /><br />Kreu i Bankës qëndrore tha se për 3 muajt e parë kreditimi në sektorin privat ka shënuar një rritje me 6%, por ai kërkoi që bankat të jenë më aktive në këtë drejtim, ndërsa paralajmëroi masa të reja për nxitjen e huadhënies në ekonomi.<br /><br /> ?Do merren masa të tjera si mjaftueshmëria e kapitalit të bankave, stimulimi i kreditimit, nxitja e bankave që depozitat të përktheheshin në kredi për ekonominë sesa të mbaheshin jashtë si depozita?.<br /><br />Këshilli Mbikëqyrës i Bankës së Shqipërisë vendosi të mbajë të pandryshuar normën bazë të interesit të lekut në 1%, por ndryshe nga daljet e tjera publike, ku është deklaruar një rritje e kësaj norme në të ardhmen, guvernatori theksoi se në kushtet e sotme të ekonomisë politika monetare do të vazhdojë të jetë akomoduese, duke pranuar skenarin e një ulje të mëtejshme të saj.<br /><br />Më herët gjatë të mërkurës, guvernatori mbajti raportin vjetor në Kuvendin e Shqipërisë ku tha se ekonomia gjatë 2018 shënoi progres, ndërsa theksoi se risku kryesor për sistemin bankar janë kreditë e këqija.<br /><br />Tv Klan
