Presidenti serb, Aleksander Vuçiç, në Tiranë. Një ferr i përgatitur për Serbinë konsiderohet nga një pjesë e medias. Reagimi më i ashpër ka ardhur nga shefi i diplomacisë serbe, Ivica Daçiç, i cili derisa Presidenti vazhdon në samit, thotë se sjellja e Shqipërisë është e papranueshme dhe Serbia nuk duhet të marrë më pjesë ne samite të tilla. Incidenteve dhe protestave u është kushtuar vëmendja më e madhe.<br /><br />Serbia, megjithatë, vlerësojnë analistët duket e izoluar politikisht, kurse Vuçiç nuk do ta ketë të lehtë në të ardhmen.<br />Jaksha Shcekic, gazetar i pensionuar i Reuters, thotë se Serbia ka zgjedhur rrugën e konfliktit të ngrirë.<br /><br />?Ajo që më së shumti i dhëmb Vuçiç është fakti që ideja e tij nuk ka marrë mbështetje as në Serbi. Kisha ortodokse së shpejti pritet të ketë një deklaratë që do ta vulos këtë pas mbledhjes së këshillit të shenjtë. Opozita e shpall tradhtar dhe ai është i futur në një cep. Hapësira e tij nuk është e madhe dhe Thaçi e Rama e dinë këtë. Daçiç thotë se nuk duhet shkuar në samite, ndërkohë Vuçiç është atje.?<br /><br />Shqiptarët duan Shqipërinë e madhe dhe këtë bota po ua toleron. Kështu është paraqitur situata politike në Ballkan. Procesi i zgjidhjes së problemeve politike, siç vlerëson analisti Marko Savkoviç, është kthyer në fillim.<br /><br />"Këto samite janë më shumë simbolike për të çuar një mesazh të perspektivës Evropiane dhe idesë se vendet e Ballkanit mund të funksionojnë bashkë. Por, nga ana tjetër besimi është shumë i ulët në mes shteteve.?<br /><br />Serbia, përkundër të gjithash, është shprehur e gatshme të vazhdojë dialogun me Kosovën nëse hiqen taksat.<br /><br />Tv Klan
