11 persona të dyshuar si anëtarë të një grupi të strukturuar kriminal, që trafikonte lëndë narkotike drejt Greqisë, kanë përfunduar në pranga.<br /><br />Operacioni, i cili erdhi si rezultat i një hetimi disa mujor, çoi në arrestimin e E.Xh., 29 vjeç, G.L., 41 vjeç, A.Xh., 40 vjeç, dhe E. L, 28 vjeç, të katërt banues në Fier. Si dhe u ekzekutuan urdhrat e ndalimit për; P.K., 49 vjeç, B.K., 55 vjeç, E. A, 43 vjeç, të tre banues në banues në Patos-Fier, A.M., 47 vjeç, S .D., 43 vjeç, F.L, 21 vjeç dhe G.S., 27 vjeç, të katërt banues në Fier.<br /><br />Në një njoftim për mediat policia thotë se ?personat e mësipërm, në bashkëpunim me njeri-tjetrin u kapën në flagrancë duke trafikuar në drejtim të Greqisë një ngarkesë prej rreth 79 kg lëndë narkotike të llojit ?Canabis Sattiva? e cila ishte e fshehur në vende të krijuara posaçërisht në automjetin që drejtohej nga shtetasi G.L?.<br /><br />?Në kuadër të këtij procedimi me datë 05.04. 2019, në P.K.K. Kapshticë, është arrestuar në flagrancë shtetasi G.Gj, 38 vjeç, me banim në Lushnje, i cili u kap duke transportuar për në drejtim të Greqisë rreth 68 kilogramë kg lëndë narkotike të llojit ?Canabis Sattiva? të cilën e kishte fshehur në vende të krijuara posaçërisht në automjetin ?Toyota? që drejtohej prej tij?.<br /><br />Të arrestuarit akuzohen për trafikim të lëndëve narkotikëve dhe grup i strukturuar kriminal, në bashkëpunim.<br />Ndërkohë, gjatë operacionit në Mallakastër në pranga ra edhe një 52-vjeçar me iniciale H. L, banues në Greshicë. Arrestimi i tij u bë pas gjatë kontrollit, policia gjeti dhe sekuestroi në cilësinë e provës materiale 2 armë gjahu pa leje, 1 armë zjarri automatike me 2 krehra me 60 fishekë si dhe 1 gjerdan me 30 fishekë.<br /><br />Si rezultat i kontrolleve të zhvilluara në tërësi u sekuestruan: 145.6 kg kanabis, 4 automjete te markave te ndryshme, një sasi vlerash monetare, 14 aparate celularë me kartat sim të markave të ndryshme, 3 amë zjarri dhe municion luftarak.<br /><br />Puna për dokumentimin e plotë të veprimtarisë kriminale të kryer nga ky grup kriminal vijon nën drejtimin e Prokurorisë për Krime të Rënda./tvklan.al
