Në mbledhjen e sotme të Kryesisë së Partisë Socialiste nuk u vendosën vetëm kandidatët për kryebashkiakë për zgjedhjet e 30 qershorit, por u diskutuan edhe cështje të tjera me karakter organizativ.<br /><br />Gazetarja e Report Tv, Esiona Konomi raporton se PS-ja ka krijuar një Task Forcë për zgjedhjet në përbërje të së cilës do të jenë; Gramoz Ruçi, Taulant Balla, Ermonela Felaj, Ulsi Manja, Etilda Gjonaj, Sandër Lleshaj dhe Damian Gjiknuri.<br /><br />Task Forca do të merret me procesin zgjedhor të 30 qershorit, emergjencat juridike dhe politike, por edhe cështjen e rendit dhe sigurisë, teksa opozita ka paralajmëruar se do të bllokojë zgjedhjet. Mes emrave që janë pjesë e Task Forcës risi është ai i Sandër Lleshajt, ministrit të Brendshëm që merr për herë të parë një post në PS.<br /><br />Para dy ditësh ministri i Brendshëm Sandër Lleshaj deklaroi se Prefektët dhe Policia e Shtetit në cdo qark kanë detyrë mbarëvajtjen për organizimin e zgjedhjeve lokale të 30 qershorit, ndërsa duke iu referuar paralajmërimit të opozitës për bllokimin e procesit, u shpreh se një gjë e tillë nuk asnjë shans që të ndodhë.
