Rreth orës 02 të mëngjesit të së dielës, lideri demokrat Lulzim Basha, ish deputetët e tij, dhe kryetarja e LSI-së Monika Kryemadhi, shkuan në spitalin e Traumës. Kryetari i PD-së Lulzim Basha, ta se Sait Dollapi, sekretari organizativ i PD-së ndodhet në gjendje të stabilizuar, por theksoi se ai nuk ka bërë asnjë akt dhune ndaj policisë që të shoqërohej.<br /><br />Sipas Bashës, Sait Dollapi ka qenë duke ndihmuar një gazetare të cilës i kishte rënë të fikët. Shefi i opozitës jokuvendore, tha se në policinë e Tiranës janë me qindra të shoqëruar të cilët sipas tij janë dhunuar nga policia, dhe për këtë arsye në 11:00 PD dhe LSI do protestojnë sërish edhe tek Drejtoria e Policisë së Tiranës.<br /><br />"Ka nxjerrë shpatullën, ka plagosje në këmbë. Ka qenë duke tërhequr një gazetare që i kishte rënë të fikët kur ju vursulën. Arben Baro është urdhëruesi i fundit, do të shkojmë deri tek urdhëruesi i parë. Do ta paguajnë shumë shtrenjtë. Saiti ka qenë gjithmonë me duart lart para policëve për t'i mbrojtur. Nuk ka pasur arsye tjetër, vetëm me urdhër politikë.<br /><br />Ka afro 100 të tjerë të shoqëruar dhe të dhunuar, në 11:00 para Drejtorisë së Policisë", tha kryedemokrati Basha.
