Fërgesë me mish të grirë dhe perime<br /><br />Përbërësit:<br /><br />4 qepë të njoma<br /><br />4 thelpi hudhër<br /><br />400 gr mish i grirë<br /><br />400 gr kunguj+ patëllxhanë<br /><br />200 gr domate<br /><br />50 ml pure domate<br /><br />kripë + piper i zi<br /><br />vaj ulliri<br /><br />125 gr mozzarella<br /><br />borzilok<br /><br />Përgatitja:<br /><br />Ngrohim vajin në një tigan, shtojmë hudhrat dhe qepët të pastruara dhe të prera në unaza me gjithë bishtat dhe i kaurdisim për 2-3 minuta, më pas shtojmë mishin e grirë duke e përzier derisa të ndryshojë ngjyrë por dhe të përthithë komplet lëngun.Ndërkohë presim domatet, kungujt dhe patëllxhanët në kubikë me brinjë 1 cm dhe i vendosim në tiganin ku kaurdisëm mishin. Sapo perimet të fitojnë pak nxehtësi shtojmë salcën e domates, kripën dhe piperin e zi dhe e lemë fërgesën të ziejë për 10 minuta, më pas shtojmë disa gjethe borziloku të prera vrazhdë si dhe djathin mocarela. Vendosim kapakun dhe e lemë gatimin në zjarr të ulët dhe 5 minuta të tjera dhe më pas e servirim të ngrohtë.
