Pas disa kohësh stërvitje intensive me nga dy seanca në ditë, Kombëtarja e Taekwondo është në prag të nisjes për në Manchester ku do të përfaqësojë Shqipërinë në kampionatin botëror që do të mbahet nga data 15 deri më 19 Maj.<br /><br />Trajneri Julian Caca duket me shumë besim për këtë kampionat, pasi sikurse thotë, Shqipëria po prodhon talente në Taekwondo.<br /><br />"Besoj sepse kemi shume talente dhe konkurrenca është më e madhe".<br /><br />Elord Gjana dhe Juirdo Cani janë dy nga sportistët që pretendojnë zonën e medaljeve.<br /><br />Elord Gjana: "Në botërorin e fundit zura vendin e 9, tani pretendoj zonën e medaljeve. Do më shërbejë për Olimpiadë".<br /><br />Juirdo Cani: "Është botërori im i parë. E vështirë për medalje, por pse të mos tentojmë".<br /><br />Qëllimi i çdo sportisti në Taekwondo është që të marë pjesë në Olimpidë pasi ky është sporti i tretë luftarak në aktivitetin më të lakmuar nga sportistët në mbarë botën.<br /><br />Tv Klan
