Mollë me brumë të thërmuar<br /><br />Përbërësit:<br /><br />400 gr miell<br /><br />150 gr sheqer<br /><br />1 lç pluhur pjekës<br /><br />2 vezë<br /><br />120 gr gjalp<br /><br />mbushja<br /><br />2-3 molle<br /><br />80 gr sheqer<br /><br />1 limon<br /><br />kanellë<br /><br />Përgatitja:<br /><br />Në një tas përziejmë miellin e situr, sheqerin, pluhurin pjekës dhe i përziejmë mirë së bashku. Shtojmë në tas 2 vezë, gjalpin në kubikë dhe i trazojmë me duar duke i thërrmuar ( jo të kemi tendencën ta bëjmë brumë të lidhur por thërrime thërrime.)<br /><br />Qërojmë mollët dhe i presim në kubikë të vegjël duke i vendosur në një tigan. Shtojmë 80 gr sheqer, lëngun e një limoni dhe 1 majë luge kanellë. Vendosim tiganin në zjarr dhe e lëmë të ziejë për 5 minuta nga momenti që nis të marrë valë.<br /><br />Në një tepsi me diametër 26 cm vendosim një letër pjekje dhe vendosim si bazë gjysmën e brumit të thërrmuar duke e niveluar mbi gjithë sipërfaqen por dhe duke e ngjeshur pak me dorë lehtë, duke ngritur anët si mur( me qëllim që të mos na kullojë anash mbushja me mollë). Vendosim mollët e gatuara mbi brumë dhe i hapim mirë në të gjithë sipërfaqen. Në fund mbulojmë komplet mbushjen me thërrimet e brumit duke niveluar mirë të gjithë sipërfaqen e sipërme. Vendosim tepsinë në furrën e parangrohur në temperaturë 180º për 35-40 minuta. Në fund e nxjerrim tavën nga furra kur të ketë marrë një ngjyrë si të artë. E vendosim në tortierë dhe pasi të bjerë pak temperatura e spërkatim me sheqer pluhur.
