Pas dhjetë muajsh punë, komisioni parlamentar për dëbimin e shtetasve turq nga Kosova ka miratuar raportin ku saktësohen 31 shkelje.<br />Ndërsa përmendet fakti se Presidenti Hashim Thaçi nuk ka dhënë dëshmi që vërteton ose mohon se ka ditur për operacionin.<br /><br />"Ky raport i komisionit parlamentar do t'i shkojë seancës plenare për miratim si dhe në prokurori. Tashmë është bërë e qartë se urdhërues për këtë se çfarë ka ndodhur është vetë Presidenti Hashim Thaçi", tha kryetari i këtij komisioni.<br /><br />Thaçi javë më parë ishte në komision për të raportuar, por debati degradoi pasi Presidenti kritikoi punën e ekspertit ndërsa nuk u kursyen as nga ofendimet individuale.<br /><br />Kryesuesi i komisionit Xhelal Sveçla tha se të gjitha akuzat ndaj ekspertit kanë rezultuar të kota.<br /><br />"Të gjitha ankesat për anshmërinë e ekspertit të pavarur janë zhdukur kur jemi futur në substancë të të gjeturave. Refuzimi i disa dëshmitarëve kanë penguar procesin nga Presidenti e deri tek niveli më i ulët".<br /><br />"Ky skenar i tyre shihet qartazi që është tendencë për ta denigruar dhe për ta penguar përfundimin e kësaj pune", thotë Driton Selmanaj, anëtar i komisionit.<br /><br />Gjashtë shtetas turq janë dëbuar nga Kosova vitin e kaluar për të cilën Kryeministri Haradinaj shkarkoi drejtorin e AKI-së dhe ministrin e Punëve të Brendshme.<br /><br />Në Mars gjatë raportimit në komision kreu aktual i AKI-së e kishte pranuar se ky institucion e ka shkelur ligjin. Vërejtje shtetit të Kosovës për këtë rast i pati dhënë edhe SHBA, ndërsa kjo vërejtje është përkrahur edhe nga ambasada e Britanisë dhe ajo e Gjermanisë në Kosovë.<br /><br />Tv Klan
