Valdrin Pjetri, pas zyrtarizimi të tij si kandidati i PS për Bashkinë Shkodër, ka dalë në një konferencë për mediat ku është ndalur të flasë për disa çështje të ndryshme. I pyetur nga gazetarët lidhur me krimin në vend, ku herë pas here kryeqendra e veriut është etiketuar si ?Palermo e Shqipërisë?, Pjetri tha se nuk i frikësohet një situate të tillë.<br /><br />"As nuk më frikëson as nuk më ndal për të bërë punën time në zbatim të ligjit dhe për të zbatuar projektet për t'ju ardhur në ndihmë qytetarëve", u shpreh Pjetri.<br /><br />Duke u ndalur tek gara pa një kundërshtar, Pjetri tha se nuk do donte të kishte ndodhur, por se respekton vendimin e opozitës. Në fjalën e tij, ai u shpreh se vjen nga disa pozicione të larta në administratën shtetërore, së fundmi si kryeregjistrues në hipotekën e Shqipërisë, por deklaroi se propozimin e kryeministrit e ka parë si një mundësi që të vjen një herë në jetë.<br /><br />"Do doja që të kisha kandidat do të ishte një garë shumë e bukur që të luftonte projekti me projektin për të mirën e qytetit duke pasur konkurrencë të gjithë do të ishim më të kujdesshëm për projektin për të bërë diçka më të mirë për qytetin. Nuk është zgjedhje e imja, por e tyre i pozitës që bojkotoi zgjedhjet" , u shpreh Pjetri.<br /><br />Në përfundim ai ftoi qytetarët e Shkodrës t'i bashkohen zgjedhjeve të 30 qershorit dhe të mos i bojkotojnë ato. Nëse s'duan të votojnë për PS, Pjetri tha që thjesht t'i vendosin një kryq fletës së votimit.
