Partia Demokratike përmes sekretarit për cështjet zgjedhore, Çlirim Gjata ka pranuar se komisionerët që kërkon papritur ti fusë në administrimin e zgjedhjeve, ju duhen për të penguar votimet.<br /><br />Por cfarë pasojash kanë ata komisionerë që pengojnë votimin ose braktisin detyrën?<br /><br />Kodi ynë Penal parashikon dënime jo vetëm për ata që pengojnë zgjedhësit apo dëmtojnë materialet zgjedhore, por edhe ata që braktisin detyrën, sic mund të jenë komisionerët e KZAZ-ve. Neni 330/a i Kodit Penal, në kapitullin ?Braktisja e detyrës nga anëtarët e komisioneve të zgjedhjeve? përcakton:<br /><br />?Braktisja e detyrës apo refuzimi për të kryer detyrën nga personat e ngarkuar me administrimin e procesit të votimit dhe të numërimit, përbën kundërvajtje penale dhe dënohet me burgim nga gjashtë muaj gjer në dy vjet.<br /><br />Kur veprimet e mësipërme kryhen duke marrë me vete ose duke zhdukur materialet zgjedhore, ose kur kanë sjellë pasoja të rënda për procesin e votimit apo kanë çuar në pavlefshmërinë e zgjedhjeve, dënohet me burgim nga dy gjer në pesë vjet?.<br /><br />Pra, komisionerët rrezikojnë burgun qoftë edhe nëse e lënë detyrën apo nëse marrin me vete vulën e KZAZ-së.<br /><br />Sigurisht dënimet janë më të ashpra kur bëhet fjalë për dëmtimin me dashje i materialit zgjedhor, parashikuar në nenin 326/a.<br /><br />Dëmtimi, prishja, shkatërrimi me dashje, apo zëvendësimi në kundërshtim me ligjin i pajisjeve, vulave, kodeve të sigurisë apo çdo materiali tjetër zgjedhor të parashikuar nga ligji, dënohet me burgim nga gjashtë muaj gjer në pesë vjet.<br /><br />Po këto vepra kur kryhen nga personat përgjegjës për administrimin zgjedhor ose në bashkëpunim, ose më shumë se një herë, apo kur kanë sjellë pasoja të rënda në mbarëvajtjen e zgjedhjeve, kanë sjellë pavlefshmërinë e tyre apo kanë cenuar rezultatin e votimit, dënohen me burgim nga tre gjer në tetë vjet?.<br /><br />Të gjitha veprat e tjera penale, që pengojnë zgjedhësit apo veprime të ngjashme me këto, janë të dënueshme deri në 5 vjet.
