Janë bërë të gjitha përgatitjet për mbajtjen e zgjedhjeve të jashtëzakonshme në katër komunat veriore të Kosovës.<br />Është hera e parë që në komunat veriore kandidatët për të kryetar nga komuniteti serb janë vetëm të një partie ajo e Listës Serbe.<br /><br />Partia Qytetare Serbe e Oliver Ivanoviçit, i vrarë para më shumë se një viti, ka vendosur të mos ketë asnjë kandidat për shkak se besojnë se edhe këto zgjedhje nuk do të jen të drejta dhe demokratike, e aq më pak kur ende nuk janë zbuluar vrasësit e Ivanoviçit.<br /><br />"Nga bisedat private që kam me qytetarë vërehet presioni tek ata i cili vazhdon të mos ndalet. Ka ende presion posaqërisht të punonjësit e institucioneve që detyrohen të dalin masivisht në zgjedhje. I kemi pasur dy procese zgjedhore dhe dy vrasje të kandidatëve. Me vrasjen e Ivanoviçit është vrarë demkracia. Nuk kemi marrë pjesë në këtë proces zgjedhor pasi për 16 muaj nuk është gjetur vrasësi i kryetarit tonë. Derisa nuk gjenden vrasësit pak njerëz kanë guxim të dalin në zgjedhje".<br /><br />Ndërsa nga viti 2013 në zgjedhje lokale në komunat që udhëhiqen nga serbët gjithashtu nuk garon Partia Liberale Serbe e udhëhequr nga Sllobodan Petroviç.<br /> <br />Thotë se këtë e bëjnë për shkak të frikës pasi që kandidat i tyre është vrarë në vitin 2014.<br /><br />"Të gjithë e kanë të qartë se nuk ekzistojnë kushtet dhe si rezultat i kësaj askush tjetër nuk guxon të kandidojë pos përfaqësuesve të Listës Serbe. Dhe kjo është diçka mëse e dukshme. Këto zgjedhje nuk do të ndryshojnë asgjë. Kemi një situatë ku të njëjtit kandidatë që kanë dhënë dorëheqje janë përsëri në garë".<br /><br />Në këto zgjedhje, përveç Listës Serbe për kryetar të komunave veriore kanë kandiduar edhe Partia Demokratike e Kosovës dhe Lëvizja Vetëvendosje.<br /><br />Katër kryetar të komunave serbe nga komuniteti serb patën dhënë dorëheqje nga postet e tyre për shkak të taksës së vënë nga qeveria e Kosovës ndaj produkteve serbe ndërsa tre prej tyre janë rikandiduar në zgjedhje të jashtëzakonshme. <br />Tv Klan
