Me disa parregullsi është shoqëruar procesi i jashtëzakonshëm zgjedhor në katër komunat veriore të Kosovës. Vëzhguesit kanë vërejtur se gjatë procesit të votimit janë lejuar disa qytetarë serbë të votojnë me dokumentacion të Serbisë.<br /><br />Ndërkohë të regjistruar për votim janë vetëm qytetarët të cilët zotërojnë dokumente të Kosovës.<br /><br />Në pjesën veriore të Kosovës shumë qytetarë serbë deri vonë kanë refuzuar të pajisen me dokumente të Kosovës, pasi kishin vetëm ato të Serbisë.<br /><br />Njohjen prej tyre të shtetit të Serbisë më shumë se atij të Kosovës e tregon edhe fakti se në qendrën më të madhe të votimit në Mitrovicën e veriut ishte vendosur flamuri serb.<br /><br />Ndërsa tre kandidatët që kanë garuar për zgjedhjet në Mitrovicën e veriut kanë votuar që në orët e hershme të mëngjesit.<br /><br />Goran Rakiq, Lista Serbe: ?Kemi kryer obligimin tonë si qytetarë siç e shihni vetë, qytetarët e Mitrovicës e kanë kuptuar seriozisht rëndësinë jo vetëm të këtyre zgjedhjeve lokale, por të referendumit, i cili për ne që jetojmë këtu do thotë ekzistencë në këto hapësira?.<br /><br />Parregullsitë më të shpeshta ishin identifikimi i votuesve dhe votimi me dokumente të Serbisë që në disa raste është lejuar nga komisionerët.<br /><br />Pjesëmarrja deri në orën 11 të paradites ishte e ulët rreth 15 %<br /><br />Votimet po mbahen në Leposaviç, Zubin Potok, Zveçan dhe Mitrovicë Veriore. Kryetarët e këtyre komunave dhanë dorëheqjen për shkak të taksës 100% për importet serbe e boshnjake.<br /><br />Për herë të parë kandidatët nga komuniteti serb vijnë vetëm nga Lisita Serbe. Kjo pasi dy forcat e tjera, Partia qytetare serbe dhe partia liberale serbe, vendosën të mos futen në zgjedhje.<br /><br />Tv Klan
