Kryeparlamentari Kadri Veseli ka kërkuar para deputetëve krijimin e një komisionin për mbledhjen e fakteve, që do t'i hapte rrugë themelimit të një Tribunali Ndërkombëtar për gjenocidin serb në Kosovë. Ai tha se Kosova ka fakte, dëshmi dhe dëshmitarë të bollshëm.<br /><br />"Kosova ka aq shumë dëshmitarë të gatshëm për të dëshmuar, përfshirë edhe ata që kanë marrë pjesë në mënyrë të drejtpërdrejtë në këto krime".<br /><br />Por partitë opozitare, LDK-ja dhe Vetëvendosje, e kundërshtuan këtë iniciativë, të cilën e quajtën të pasinqertë dhe më pas braktisën seancën. Ndërsa kryetari i Lëvizjes Vetëvendosje, Albin Kurti ka thënë se Kadri Veseli nuk e ka hallin e Tribunalit, por me këtë sipas tij po mundohet t?i kundërvihet Gjykatës Speciale.<br /><br />Të pamundshme dhe lojë më familjarët e të vrarëve, iniciativën e Veselit e sheh edhe deputetja tjetër e Lëvizjes Vetëvendosje, Saranda Bogujevci, e cila gjatë luftës ishte e plagosur rëndë, ndërsa kishte humbur edhe një pjesë të madhe të familjes.<br /><br />Për analistin Milazim Krasniqi iniciativa është e vonuar, por edhe vështirë se mund të realizohet. Kryeparlamentari javë më parë e ka marrë iniciativën për themelimin e një tribunali ndërkombëtar për genocidin serb, që ka ndodhur gjatë luftës në Kosovë.<br /><br />Tv Klan
