Ekonomiku, Juridiku, Punë Sociale, Mjekësia dhe Informatika vijojnë të mbeten degët më të preferuara të maturantëve.<br /><br />"Ekonomik, sepse e shikoj si një mundësi më të mirë për të ardhmen".<br /><br />"Inxhinieri informatike sepse teknologjia po përparon".<br /><br />"Akoma s'e kam vendosur, por mendoj ekonomik".<br /><br />"Mjekësia është një degë me të ardhme".<br /><br />Sipas specialistëve të arsimit, në vitin 2018 rreth 70 % e maturantëve nga 22 mijë të tillë, aplikuan për një nga këto degë. Ata thonë se dy janë faktorët që i çojnë nxënësit drejt këtij orientimi.<br /><br />"Vitet e fundit ka një tendencë për të kërkuar degë të tilla drejt Ekonomikut dhe Drejtësisë. Në Universitetin e Tiranës vendin e parë e zë administrim biznesi, në vend të dytë është Fakulteti i Drejtësisë dhe në vend të tretë ai Mjekësisë. Nga 22 mijë aplikantë, 7347 kanë aplikuar për administrim biznesi, 6634 aplikime për Fakultetin e Drejtësisë dhe 5333 aplikime në Fakultetin e Punës Sociale. Janë dy faktorë bazë, çfarë kanë studiuar dhe arritur gjatë shkollës dhe çfarë ofron tregu i punës", thotë Rezana Vrapi, drejtoresha e Qendrës së Shërbimeve Arsimore.<br /><br />Por një pjesë e tyre thonë se preferojnë të studiojnë jashtë Shqipërisë. Ky është një nga shkaqet duke sjellë ëdhe një ulje të numrit të të diplomuarve në vendin tonë. Të dhënat e INSTAT tregojnë se në vitin 2018 në arsimin e lartë janë diplomuar 34.331 studentë, ose 3% më pak se në vitin 2017.
