Maxhoranca në Komisionin Qendror të Zgjedhjeve ka refuzuar kërkesën e Partisë Demokratike dhe Lëvizjes Socialiste për Integrim për anëtarë në Komisionet Zonalë të Administrimit Zgjedhor.<br /><br />Votën kundër 4 anëtarët e maxhorancës e argumentuan me faktin se këto dy parti nuk janë subjekt zgjedhor dhe as parti parlamentare.<br /><br />Rezarta Bitri, anëtare e KQZ-së: Është kusht që partitë të jenë subjekt zgjedhor për të pasur komisionerë.<br /><br />Bledar Skenderi, anetar i KQZ-së: Nuk kanë të drejtë ligjore për të çuar komisionerë.<br /><br />Por përfaqësuesi ligjor i demokratëve, Ivi Kaso paralajmëroi padi penale, duke denoncuar tentativa që sipas tij maxhoraca po bën për të ushtruar presion ndaj anëtarëve të KQZ-së që të mos regjistrojnë komisionerët e opozitës.<br /><br />Ivi Kaso, përfaqësues ligjor i PD-së: Anëtarët e KQZ të mos bien pre e presioneve. Ju paralajmëroj se nëse nuk udhëhiqeni nga ligji, do të ballafaqoheni me forcën e ligjit dhe me përgjegjësi penale në rast të shpërdorimit të detyrës.?<br /><br />Denar Biba, nënkryetar i KQZ-së: Nuk bëre thirrje, bëre shantazh!<br /><br />Një tjetër përplasje verbale mes palëve ishte edhe data e zgjedhjeve lokale.<br /><br />Denar Biba, nënkryetar i KQZ-së: Do të kemi zgjedhje në 30 qershor?<br /><br />Ivi Kaso, përfaqësues Ligjor i PD-së: Jo.<br /><br />Denar Biba, nënkryetar i KQZ-së: Atëherë, pse doni komisionerë në zgjedhje?<br /><br />Ivi Kaso, Përfaqësues Ligjor i PD-së: Komisionerët do të jenë aty për të zbatuar ligjin. Ka ankesa e denoncime. KZAZ janë të mbushura me paligjshmëri, me qëllim të qartë të partisë shtet, e cila dhe e vetme në garë shkel afatet e deri tek emërimi i një opozite fasadë.<br /><br />Pas rrëzimit të emrave të komisionarëve të PD dhe LSI pritet që KQZ të marrë një vendim për zëvendësimin e tyre.<br /><br />Tv Klan
