Ish-Kryeministri Sali Berisha u është përgjigjur akuzave të Presidentit të Kosovës Hashim Thaçi, pasi ky i fundit në një intervistë televizive e quajti "argat të Millosheviçit". I ftuar në emisionin "Opinion" në Tv Klan, Berisha shpjegoi qëndrimin e tij dhe të Partisë Demokratike në vitin 1991 për Kosovën.<br /><br />"Qëndrimi i Sali Berishës dhe Partisë Demokratike ndaj Sllobodan Millosheviçit është ky: <br />1-Më 22 Dhjetor Partia Demokratike ka shpallur programin "Ylli ynë polar". <br />2-Njohja e Republikës së Kosovës më 1991.<br />3-Është bërë përjekje për promovimin e lidershipit të Kosovës në atë kohë.<br />4-Në samitin e Helsinkit është futur paragraf i veçantë, në të cilën Kosova trajtohet si njësi më vete. <br />5-Në atë periudhë janë stërvitur në Shqipëri disa njësi të UÇK, por që të gjitha nën patronazhin e qeverisë së Kosovës, Ibrahim Rugovës. Midis tyre Adem Jashari. <br />6-Janë dërguar armatime falas pa asnjë çmim Bosnjes dhe Kroacisë në kundërshtim me embargon. <br /><br />Nëse është arrestuar Hashim Thaçi është arrestuar për krim ordiner. Hashim Thaçi flinte me një gazetar në dhomë, quhej Ali Uka, u gjet i bërë thertore në dhomë. Ai është thirrur për Ali Ukën. Nuk them fare se është i implikuar apo jo në vrasjen e tij. <br /><br />7-I vetmi vend në botë që ishte kundër embargos ishte Shqipëria. Pse? Sepse rëndonte mbi Kosovën. Të tjerët ku e merrnin naftën? Naftën sipas raporteve të OKB, 96% nga Danubi. Rafineria më e madhe e Beogradit merrte me tuba nga Rumania. Ne nuk kishim mjete lundruese në liqen. Ne sollën skafet e policisë. Shkodranët e mbushnin plot serbatorin dhe kalonin me makinë dhe e shisnin në anën tjetër gjysmën e saj.<br /><br />8-Shqipëria ka qenë një vend i hapur dhe Arkani mund të ketë ardhur. Ai me pasaportë jo serbe mund të ketë hyrë, nuk them dot. Por si Arkan do të arrestohej 1 mijë herë.<br /><br />Në vitin 1994 Shqipëria kaloi rezolutën në OKB me 137 vota në të cilën popullit të Kosovës i njihet e drejta për vetëvendosje. Kam bërë çmos që Prishtina të ngrihet në protesta kundër Millosheviçit. Mendoja se shqiptarët duhet të protestonin. Duhej reagim. Kaq ka qenë".<br /><br />Presidentin e Kosovës, Berisha shpjegoi se e quan "argat të Beogradit" për shkak se Hashim Thaçi po mbahet peng nga Beogradi për një dosje në Hagë.<br /><br />"Ky ka marrë misionin e Serbisë së Madhe. Dosja e Hagës është e tëra e formuluar nga Vukçeviçi, është prokuror i Serbisë. Z.Thaçi ka një dosje të madhe në Hagë dhe ajo dosje është bërë e tëra nga Beogradi".
