Punonjësve të Shërbimit Privat të Sigurisë Publike do tu ndalohet pjesëmarrja në protesta. Në një urdhër që mban datën 21 maj 2019, shpërndarë drejtorive vendore, kreu i Policisë së Shtetit Ardi Veliu, u lë porosi vartësve të tij që të " të qartësojnë titullarët e subjekteve, drejtuesit teknikë dhe punonjësit e shërbimit të SHPFS-së, se ndalohet pjesëmarrja e tyre në protestat që organizohen në vend".<br /><br />Po ashtu, policët privatë, do të mbajnë përgjegjësi penale që do të mbajnë nëse në territorin nën ruatjen e tyre do të gjendet lëndë narkotike. <br /><br />Në urdhrin e dhënë tre ditë më parë, subjektet e SHPSF-së kanë pasur kohë për të deklaruar deri më sot, nëse në objektet që subjekti i tij ka në ruajtje në tokat në pronësi të tij apo me qira, nuk ka të kultivuara bimë narkotike.<br /><br />Në të kundërt, në kuadër të planit kombëtar të veprimit kundër kultivimit dhe trafikimit të bimëve narkotike 2017-2018, dhe parandalimin e goditjen e veprimtarisë kriminale të kultivimit të bimëve narkotike për vitin 2019, shërbimi privat i sigurisë fizike, do të mbajë përgjegjësi penale per lëndët narkotike të evidentuara në territoret e ruajtura prej tyre.<br /><br />"Në rast të mos zbatimit të këtyre dy urdhrave, atëherë drejtoritë vendore duhet të propozojnë në Drejtorinë e Përgjithshme të Policisë së Shtetit, për heqjen licence të subjektit të Policisë Private", thuhet në urdhrin e Ardi Veliut.
