Prokuroria ka kërkuar burg përjetë për Kujtim Hoxhën, autor i masakrës së Matit i cili në tetor të vitit të kaluar vrau tre persona mes tyre 2 punëtorë të bashkisë Mat dhe bashkëfshatarin e tyre.<br /><br />Avokati i Koxhës ka kërkuar shtyrjen e seancës për klientin e tij, ndërkohë që seanca e radhës do të mbahet në datën 3 qershor.<br /><br />Personat që humbën jetën nga kjo ngjarje ishin Mentor Hoxha 35 vjeç, Erzen Aliaj 49 vjeç si dhe Hamit Buci 38 vjeç, banor i fshatit Shëlli.<br /><br />Autori kishte pirë raki me një nga viktimat, Hamit Buçin, ndërsa babai i një prej viktimave (Mentor Hoxhës) i kishte lënë porosi pronarit të lokalit që ta qeraste Koxhën me një dopio raki nga ana e tij.<br /><br />Por pas debatit me punonjësit e bashkisë për një rrugë, shoferi i kamionçinës, Erzen Aliaj ka debatuar jashtë lokalit me Kujtim Koxhën dhe e ka qëlluar me shuplakë.<br /><br />Më pas, autori ka shkuar në banesë, ka marrë armën dhe ka qëlluar punonjësit që po konsumonin drekën.
