#rtvora<br />Një i ri mbeti i vrarë ndërsa një tjetër u plagos në një atentat me armë zjarri në qytetin bregdetar të Vlorës.<br /><br />Ngjarja ka ndodhur rreth orës 01:10 të së hënës (27 maj) në fshatin Poro të Novoselës.<br /><br />Viktima është shtetasi Sotiraq (Raqi)Mehilli 22 vjeç, ndërsa është plagosur shoku i tij Eno Mataj, 32 vjeç.<br /><br />Dy të rinjtë kanë qenë duke udhëtuar me motor kur janë qëlluar me breshëri automatiku.<br /><br />Policia thotë se dy të rinjve u kanë zënë pritë. Mëhilli e Mata janë pritur deri sa të kthehen për në banesat e tyre, teksa në mes të rrugës janë qëlluar me breshëri kallashnikovi , duke i lënë të dy të plagosur rëndë.<br /><br />Ata janë dërguar drejt spitalit Rajonal të Vlorës, ku 22-vjeçari Mëhilli ka ndërruar jetë rrugës, si pasojë e plagëve në trup. Në gjendje të rëndë shëndetësore ndodhet edhe i plagosuri sipas policisë.<br /><br />Mataj qëndronte i fshehur në fshatin Poro.<br /><br />Mjeti i autorëve gjendet i vdjegur në Bishan-Pak minuta pas ngjarjes, duke përsëritur skemën e ngjarjeve të mëparshme të këtij muaji, policia ka gjetur në afërsi të fshatit Bishan një automjet tip "Benz" të djegur. <br /><br />Vetëm pak km larg vendit të ngjarjes, në automjet janë gjetur të shkrumbuar edhe 2 kallashnikovë, armë qe dyshohet se janë perdorur në atentat, duke lënë pak hapësirë për ekspertizë daktiloskopike.<br /><br />Policia lokale është angazhuar në një operacion të përbashkët me FNSH për kërkimin e autorëve, të cilët kanë përfituar nga erresira dhe terreni për tu larguar.<br /><br />Disa të shoqëruar - Policia ka shoqëruar në komisariatin e Vlorës 10 banorë të zonës për tu marrë në pyetje.<br /><br />Kush është viktima dhe i plagosuri- 22-vjeçari i mbetur i vdekur në këtë atentat rezulton i paskeduar nga policia dhe pa të kaluar kriminale. Dyshohet se shënjestra e atentatit ka qenë 32-vjeçari Mata, i rikthyer prej pak muajsh nga Greqia, ku ishte përshirë dhe dënuar për një seri grabitjesh. <br /><br />Eno Mata i njohur edhe si Aleksandër Mata akuzohet edhe për vrasjen e avokatit grek, Mihalesi Zafeiropoulos. Por gjatë grabitjes së një argjendarie më vonë, Mata kishte lënë një shënim për policinë greke, ku thoshte se ai është grabitës, por nuk është vrasës.<br /><br />?Sa i përket çështjes së z.Zafeiropoulos, jemi të dy viktima. Unë di të mbaj përgjegjësinë time. Nëse do ta dija si do të shkonin punët, nuk do të bëhej kështu siç u bë. Po, unë vjedh, por nuk jam vrasës?- thuhej në letër, ndërsa në fund ishte shënimi ?Maradona ? këmbëshpejti?.<br /><br />32-vjeçari shqiptar është rritur në qytetin Arkadia në Greqi dhe ka luajtur futboll me ekipin e atij qyteti. Shokët e tij e thërrisnin ?Maradona shqiptar? për shkak të aftësive të tij në futboll.<br /><br />Vrasja e avokatit grek ndodhi mbrëmjen e 12 tetorit të vitit 2017 në Athinë. Shqiptari Mikel Brahimaj është arrestuar si personi që qëlloi për vdekje avokatin dhe ka pranuar krimin, ndërsa Aleksandër Mata u arratis drejt Shqipërisë pas ngjarjes.<br />Për më shumë lexoni në: <br />http://www.oranews.tv/article/atentat-me-arme-zjarri-ne-vlore-nje-i-vdekur-nje-i-plagosur<br />Follow Ora News<br /><br />Subscribe To "Ora News...
