#rtvora<br />Komisioni i Pavarur i Kualifikimit shkarkon nga detyra kryetarin pranë Gjykatës së Rrethit Gjyqësor Fier, Roland Jaupaj.<br /><br />Jaupaj u përball me probleme të pasurisë gjatë seancës dëgjimore të hënën në Komisionin e Pavarur të Kualifikimit, ku u identifikua një konflikt i mundshëm interesi në blerjen e një apartamenti nga prindërit e tij dhe paqartësi në përfitimin e 13 mijë eurove nga bashkëshortja në ndërmjetësimin për blerjen e një shtëpie.<br /><br />Treshja gjykuese e KPK-së përbëhej nga Genta Tafa(Bungo) kryesuese, Pamela Qirko relatore dhe Etleda Çiftja anëtare.<br /><br />Sipas raportit të ILDKPKI, gjyqtari Jaupaj nuk ka kryer deklarim të saktë, por ka burime të ligjshme dhe nuk ka kryer fshehje pasurie dhe nuk është në kushtet e konfliktit të interesit.<br /><br />Por hetimi i thelluar i Komisionit të Pavarur të Kualifikimit duket se ka arritur në konkluzione të ndryshme.<br /><br />Gjyqtari Roland Jaupi ka deklaruar para Komisionit se jeton në apartamentin e prindërve në lagjen ?Kastrioti? në qytetin e Fierit dhe se përdor garazhin e tyre. Apartamenti ka një sipërfaqe prej 170 m2 dhe një garazh 22 m2. Babai i gjyqtarit Jaupaj e ka blerë apartamentin në qershor të vitit 2012 për 3.6 milionë lekë dhe garazhin për 400 mijë lekë.<br /><br />Sipas relatores Pamela Qirko, në këtë periudhë rezulton se Jaupaj ka shqyrtuar çështjen gjyqësore me palë Bashkinë e Fierit dhe Shoqërinë ndërtuese M.Sh.P.K., cila ka ndërtuar pallatin ku gjendet edhe apartamenti me sipërfaqe 170 m2 dhe garazhi 22 m2, të blera prej babait të subjektit të rivlerësimit.<br /><br />Komisioni evidentoi faktin se Gjykata e Fierit ka rrëzuar kërkesë- padinë e bashkisë që kërkonte pezullimin e lejes së ndërtimit, duke i dhënë të drejtë kompanisë M. Sh.P.K. e cila ka ndërtuar pallatin ku gjendet edhe apartamenti ku jeton gjyqtari Jaupaj.<br /><br />Qirko pohoi se babai i tij ka pasur trajtim preferencial nga firma ndërtuese dhe se duket që ka pasur garanci për këtë pasuri.<br /><br />Nisur nga fakti se gjyqtari i përdor këto pasuri, komisioni i konsideron prindërit si persona të lidhur. <br />Për më shumë lexoni në: <br />http://www.oranews.tv/article/shkarkohet-kryetari-i-gjykates-se-fierit<br />Follow Ora News<br /><br />Subscribe To "Ora News" on YouTube Channel for NEWS HERE: http://bit.ly/2DDddtL<br /><br />Subscribe To "Ora News" on YouTube Channel for TV Shows HERE http://bit.ly/2sPcqj3<br /><br />For more content from click HERE www.oranews.tv<br /><br />Like Ora News on Facebook HERE http://bit.ly/2RkUN4s<br /><br />Follow Ora News on Instagram Here http://bit.ly/2HBuiID<br /><br />Follow Ora News on Twitter http://bit.ly/2RhOaQp<br /><br />Follow Ora News on Google+ HERE http://bit.ly/2TdjAJz
