Nëse zgjedhjet zhvillohen në 30 qershor siç Edi Rama këmbëngul, atëherë PS do të fitojë pa asnjë mundim më shumë se gjysmat e bashkive të vendit. <br /><br />Pasi janë shqyrtuar ankesat në KQZ, siç ka mësuar Report TV, në 35 bashki socialistët garojnë të vetëm pa pasur asnjë rival përballë. Këtu përfshihen bashki të mëdha si: Elbasani, Fieri, Lushnja, Gjirokastra, Shkodra, Kamza apo Vora. <br /><br />Në këto zgjedhje PS ka 60 kandidatë, pasi koalicioni i mazhorancës nuk kandidon në Finiq, duke i hapur rrugë MEGA-s greke. <br />Garë me më shumë se një kandidat, ka në 26 bashki të tjera, ku përfshihet Tirana, Durrësi, Dibra, Vlora, Korca, Kuksi e Lezha. <br /><br />Partia e Astrit Patozit është tkurrur. Ndryshe nga sa deklaroi se do të kandidonte në të gjithë vendin, Bindja Demokratike është regjistruar vetëm në garën për 18 bashki të vendit. <br /><br />Patozi garon në Tiranë, në Durrës, në Korçë, në Vlorë, Kukës, Dibër, Lezhë, etj. <br /><br />Për 30 qershorin janë bërë gati dhe 6 kandidatë të pavarur, të cilët kanë marrë paraprakisht firmat e zgjedhësve. Ata janë në bashkitë Berat, Klos, Devoll, Mirditë, Finiq dhe Sarandë. <br /><br />Koalicioni i drejtuar nga Aleanca Kuq e Zi, ?Shpresa për Ndryshim? garon vetëm në Përrenjas, Këlcyrë dhe Devoll. Në sy bie dhe FRD e Bamir Topit, e cila, edhe pse nuk është bërë pjesë e asnjë koalicioni garon vetëm në Devoll, bashki e cila shënon numrin më të lartë të kandidatëve, plot 4.
