Në rezistencë ka hasur policia e Kosovës gjatë një aksioni që ka ndërmarrë për luftimin e kontrabandës në veri të Kosovës. Banorët lokalë serbë i janë kundërpërgjigjur me armë aksionit të policisë ku 6 persona mbetën të plagosur.<br /><br />Me urdhër të Prokurorisë Speciale, aksioni ka nisur rreth orës 2 të mëngjesit fillimisht nga inspektorati policor dhe njësitë patrulluese policore derisa më vonë ka ardhur në ndihmë njësia speciale e policisë.<br /><br />Policia ka arrestuar 19 zyrtarë policorë e doganierë si dhe 9 qytetarë, përfshirë shqiptarë, serbë dhe boshnjakë. Këtij aksioni policor i ka paraprirë një hetim 1-mujor i IPK-së.<br /><br />Derisa janë hequr edhe barrikadat e vendosura nga serbët lokalë. Presidenti Hashim Thaçi tha se aksioni në veri të vendit nuk është kundër serbëve në Kosovë, por kundër grupeve kriminale.<br /><br />"Është arrestuar edhe një rus që është veshur në petkun e diplomatit".<br /><br />Ndërsa UNMIK-u ka kërkuar lirimin e dy punëtorëve të vetë që janë ndaluar sot gjatë aksionit të policisë në veri.<br /><br />KFOR-i ka konfirmuar se në këtë aksion policor nuk është përfshirë fare KFOR-i dhe as FSK-ja. Ka reaguar Lëvizja Vetëvendosje e cila thotë se aksioni në veri dëshmoi se Policia e Kosovës ka kapacitete.<br /><br />Tv Klan
