Mediat serbe kanë publikuar pamje të automjeteve ushtarake serbe që sipas tyre janë nisur për në Kosovë. Kjo ka ndodhur dje gjatë momentit kur në veri po vazhdonte aksioni i Njësive Speciale të Policisë së Kosovës.<br /><br />“Alo” dhe “Informer” kanë publikuar pamje të automjeteve të ushtrisë së Serbisë që sipas tyre kanë bërë lëvizje në drejtim të kufirit me Kosovën<br /><br />Kolona të gjata të automjeteve ushtarake serbe janë xhiruar gjatë rrugës për në Kosovë, transmeton Ballkani.info.<br /><br />Ushtria ishte nisur nga kazerma e Kralevës, aty ku paraprakisht kishte qëndruar ministri i Mbrojtjes, Aleksandar Vulin.<br /><br />“Alo” gjatë ditës së djeshme kishte raportuar se automjetet e ushtrisë serbe janë nisur për në Kosovë, paralajmërim i mohuar nga institucionet e sigurisë së Kosovës.
