Të Paharruarit! Përkujtimore në letërsi dhe muzikë, ishte aktiviteti i organizuar në ish-burgun më famëkeq të Spaçit në Mirditë.<br /><br />E kaluara e Spaçit, si një nga shëmbëlltyrat më të egra të regjimit të diktaturës, është sjellë në vëmendje në këtë aktivitet nga ambasadori i Austrisë Johann Sattler, ministrja e Kulturës Elva Margariti, Agron Tufa drejtor i Studimeve për Krimet dhe Pasojat e Komunizmit (ISKK) dhe Jonida Godole Drejtore e Institutit për Demokraci, Media dhe Kulturë.<br /><br />Ministrja e Kulturës, Elva Margariti theksoi nevojën për dialog mbi të shkuarën, që duhet të përfshijë vendet e kujtesës dhe ruajtjen e tyre.<br /><br />"Më vjen ndër mend një thënie e Faik Konicës, 'E vërteta nuk ka nevojë për stil gjarpërues e të yndyrshëm të shkrimeve akademike, e vërteta ulëret'.<br /><br />Pikërisht për ketë jemi sot këtu, për të mos lënë në harresë këtë të vërtetë, por për ta parë në sy, për të kundërshtuar regjimin e diktatorit" tha ambasadori Johann Sattler në gjuhën shqipe.<br /><br />Ish-të dënuar kthyen në kohë vuajtjet nëpërmjet shkrimeve në librat e tyre.
