Përderisa Kosova përfundoi projektin e autostradës prej 65 km deri në kufirin me Maqedoninë e Veriut, qeveria në Shkup shtyn edhe për disa muaj afatin e tenderimit të projektit të autostradës Shkup-Bllacë.<br /><br />Nga autoritetet e Maqedonisë së Veriut njoftojnë se plani është që ndërtimi i kësaj rruge të bëhet në dy faza. Faza e parë nga kalimi kufitar Bllacë deri në rrugën lidhëse drejt Bllacës, me një gjatësi rreth dy kilometra dhe duhet të ndërtohet në 18 muaj.<br /><br />Faza e dytë do të fillojë nga Bllaca deri në Shkup, ndërtimi duhet të fillojë vitin e ardhshëm dhe të zgjasë rreth 36 muaj. Tenderi do të hapet në fillim të vitit 2020. Do të ketë 4 tunele në gjatësi prej 4 kilometra, 9 ura dhe objekte të tjera. Do të jetë në dy drejtime, me nga dy korsi me gjatësi prej 3 metra, dhe një korsi për ndalesë me gjerësi prej 2.5 metra. Punimet për këtë fazë do të zgjatin 36 muaj.<br /><br />Pritjet janë që kjo autostradë të vihet në përdorim në vitin 2023. Me ndërtimin e kësaj autostrade rruga Shkup Prishtinë e cila për momentin zgjatë dy ore, do të shkurtohet për 45 minuta. Autostrada Shkup ? Bllacë do të financohet nga Ndërmarrja për Rrugë Shtetërore, Banka Evropiane për Zhvillim, si dhe me mjete të Fondit Evropian për Ballkanin Perëndimor të siguruara nga Sekretariati për Çështje Evropiane.<br /><br />Tv Klan
