Një nga skemat e mashtrimit ushqimor, zbuluar së fundmi nga Autoriteti Kombëtar i Ushqimit është importimi i margarinës, e cila importohet dhe shitet si gjalp.<br /><br />Produkti me ndyrë bimore pasi importohet nga Ukraina, me mangësi në dokumentacionin shoqërues, zhdoganohet si margarinë dhe më pas shpërndahet në operatorë të tjerë të zinxhirit ushqimor. Importuesi e faturonin margarinën si gjalp. Marketet as që nuk e kontrollojnë fare vlefshmërinë e dokumentacionit shoqërues të produktit dhe e shesin duke e etiketuar si gjalp.<br /><br />Skandali është bërë publik gjatë një takimi që Ministri i Bujqësisë ka zhvilluar me operatorë të ndryshëm të biznesit ushqimor në vend në kuadër të konsultimeve për ndryshimet në Kodin Penal, që lidhen direkt me sigurinë ushqimore.<br />Ministri i Bujqësisë thotë se nuk do të ketë asnjë tolerim për abuzuesit.<br /><br />"Nuk do të tolerojmë asnjë abuzues që tenton të mashtrojë konsumatorin shqiptar për qëllime fitimi. Kodi Penal do të miratohet shumë shpejt. Do të ndëshkojmë çdo abuzues që bëhet pjesë e një skeme të tillë si kjo e margarinës me gjalpin. Të gjithë inspektorët që merren me sigurinë ushqimore, nëse bëhen pjesë e këtyre skemave, jo vetëm që do të ikin nga puna, por do të shkojnë edhe në burg. Operatorët e biznesit i ftoj të bëhen pjesë e kësaj beteje sepse është në interes të tyre. Ftoj qytetarët të denoncojnë pa frikë çdo rast që ata konstatojnë se është cënuar siguria ushqimore".<br /><br />Tv Klan
