Festivali ndërkombëtar i muzikës elektronike UNUM mbylli të dielën rrugëtimin 3-ditor në Shëngjin. DJ nga e gjithë bota bënë bashkë 5000 të rinj shqiptarë dhe të huaj që shijuan veç muzikës, edhe bukuritë natyrore të Ranës së Hedhun.<br /><br />?Është hera e tretë që vij në Shqipëri. Muzike e mirë, natyre e bukur, gjithçka po shkon shkëlqyeshëm. Do të kthehem sërish këtu.<br />Ne e kemi prit prej vitesh të bëhet në Kosovë. Shumë mirë që u bë këtu në Shqipëri dhe mendoj që të gjithë duhet ta njohin edhe natyrën shqiptare?.<br /><br />Festës së të rinjve iu bashkua edhe Kryeministri Rama e Ministri i Turizmit, Blendi Klosi.<br /><br />?Të gjithë këta të rinj bëhen zëdhënës më të mirë të Shqipërisë së vërtetë, reale, ndryshe sesa ato që shkruhen në shtypin holandez?, tha Kryeministri.<br /><br />?Festivali ka potenciale të shkojë deri në 10 mijë dhe në vitet e ardhshme do të ketë më shumë biznes për komunitetin lokal, për produktet e tyre dhe më pas edhe punësimin?, u shpreh Ministri Klosi.<br /><br />UNUM festival do të rikthehet vitin e ardhshëm jo vetëm me performancat e DJ më të mirë në të gjithë botën, por edhe në një pikë tjetër turistike në natyrën shqiptare.
